ఆ టెస్టులు ఉంటేనే రాష్ట్రంలోకి ఎంట్రీ: తెలంగాణ హైకోర్టు కీలక ఆదేశాలు

2 days ago 5

| Samayam Telugu | Updated: 08 Apr 2021, 12:32:00 PM

రాష్ట్రంలో కరోనా వైరస్‌ను అదుపు చేసేందుకు తెలంగాణ హైకోర్టు కీలక ఆదేశాలిచ్చింది. టీఆర్టీపీసీఆర్ టెస్టులు చేయించుకుంటేనే రాష్ట్రంలోకి అనుమతి ఇవ్వాలని ప్రభుత్వానికి సూచించింది.

Image

ప్రధానాంశాలు:

  • కరోనా కట్టడికి హైకోర్టు కీలక ఆదేశాలు
  • టీఆర్టీపీసీఆర్ టెస్టులు ఉంటేనే రాష్ట్రంలోకి ఎంట్రీ
  • క్లబ్బులు, పబ్బులు, థియేటర్లపై ఆంక్షలు
తెలంగాణలో కరోనా వైరస్ విజృంభిస్తున్న నేపథ్యంలో రాష్ట్ర హైకోర్టు కీలక ఆదేశాలిచ్చింది. ఆర్టీపీసీఆర్ టెస్టులు ఉంటేనే రాష్ట్రంలోకి అనుమతించాలని, క్లబ్బులు, పబ్బులు, సినిమా థియేటర్లపై ఆంక్షలు విధించాలని సూచించింది. వంద మంది ఉద్యోగులున్న ఆఫీసుల్లో తప్పనిసరిగా వ్యాక్సిన్ వేయాలని ప్రభుత్వాన్ని ఆదేశించింది. రాష్ట్రంలో కరోనా కట్టడికి తీసుకుంటున్న చర్యలకు సంబంధించిన నివేదికను ప్రభుత్వం గురువారం హైకోర్టుకు సమర్పించింది.

దీనిపై విచారించిన ఉన్నత న్యాయస్థానం కరోనా కట్టడికి కఠినచర్యలు తీసుకోవాలని ప్రభుత్వాన్ని ఆదేశించింది. ఆర్టీపీసీఆర్ టెస్టుల సంఖ్యను భారీగా పెంచాలని, కేంద్ర ప్రభుత్వం నిర్దేశించిన నిబంధనలు అందరూ తప్పనిసరిగా పాటించేలా చర్యలు తీసుకోవాలని ఆదేశించింది. కేసులు భారీగా పెరుగుతున్న వేళ మాస్కులు ధరించని వారిపై ఎన్ని కేసులు నమోదు చేశారో కూడా తెలపాలని హైకోర్టు కోరింది. అన్ని శాఖలు సమన్వయంతో పనిచేస్తూ కరోనా వైరస్‌ను కట్టడి చేసేందుకు చర్యలు తీసుకోవాలని ఆదేశించింది.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

తాజా వార్తల అప్డేట్ల కోసం Samayam Telugu ఫేస్‌బుక్ పేజీను లైక్ చెయ్యండి.

మరింత సమాచారం తెలుసుకోండి

Web Title : telangana high court gives key directions to state government for controlling corona virus
Telugu News from Samayam Telugu, TIL Network

Read Entire Article