‘ఇంటింటి గృహలక్ష్మి’ ఏప్రిల్‌ 8 ఎపిసోడ్‌: రోహిత్‌‌ని ఘోరంగా అవమానించిన నందు.. లేడీ విలన్ ఎంట్రీ

2 days ago 4

| Samayam Telugu | Updated: 08 Apr 2021, 12:55:00 PM

బుల్లితెర ప్రేక్షకుల్ని ఎంతగానో ఆకట్టుకుంటున్న ‘ఇంటింటి గృహలక్ష్మి’ సీరియల్‌.. 287 ఎపిసోడ్‌కి నేడు(2021 ఏప్రిల్‌ 8)న ఎంటర్‌ అయ్యింది. అయితే నేటి ఎపిసోడ్‌ చాలా ఆసక్తిగా మారింది. నేటి కథ హైలైట్స్‌ మీ కోసం.

ఇంటింటి గృహలక్ష్మి photo courtesy star maa and hotstar

ప్రధానాంశాలు:

  • ‘ఇంటింటి గృహలక్ష్మి’ సీరియల్
  • నేటి రాత్రి ప్రసారం కాబోయే ఎపిసోడ్ ముందుగానే
  • రోహిత్‌ని ఘోరంగా అవమానించిన నందు
నందు కొత్త బిజినెస్ పెట్టాలని.. తులసి కంటే ఎక్కువ సంపాదించి ఆమెను ఉద్యోగం మానిపించాలని గట్టిగానే ఫిక్స్ అయ్యాడు. అయితే బిజినెస్ పెట్టడానికి డబ్బు కోసం ఎన్ని ప్రయత్నాలు చేసినా బెడిసికొడుతుంటాయి. ఈ పరిస్థితిని లాస్య తనకి అనుకూలంగా మలుచుకునే ప్లాన్ చెప్తోంది భాగ్య. ‘నీకు తెలిసిన వాళ్ల ద్వారా నందుకి డబ్బు ఇప్పిస్తే.. నిన్ను దేవతలా చూసుకుంటాడు.. నిన్ను నెత్తిన పెట్టుకుంటాడు.. వెంటనే భాగస్వామిగా స్వీకరిస్తాడు.. బిజినెస్ వంకతో నందుని అంటిపెట్టుకుని ఉంటే.. నీపై అపారమైన ప్రేమ కలుగుతుంది’ అంటూ లాస్యకి కొత్త ఐడియా ఇస్తుంది భాగ్య. దీంతో లాస్య.. ‘నువ్ చెప్పింది నిజమే.. బిజినెస్ కోసం అప్పు ఇప్పిస్తా’ అని చెప్తుంది.

ఇంతలో రోహిత్ డైరెక్ట్‌గా నందు ఇంటికి వస్తాడు. అతన్ని కోపంగా చూస్తూ ఉండిపోతాడు నందు. ‘హలో నందు అని రోహిత్ పలకరించగా.. ఏంటి తులసి కోసం వచ్చారా? అని వెటకారంగా అంటాడు నందు. లేదండీ మీ కోసమే వచ్చాను అని చెప్తాడు రోహిత్. ఆ తరవాత పని ఏంటో చెప్పండి ఎందుకు వచ్చారని నందు అడగ్గా.. ‘మీరు బిజినెస్ స్టార్ట్ చేద్దాం అని అనుకుంటున్నారట కదా.. ఆ విషయం గురించి మాట్లాడదాం అని వచ్చాను’ అని చెప్తాడు రోహిత్.

నా బిజినెస్ గురించి మీకు ఎందుకు? ఆ విషయంతో మీకు సంబంధం ఏమి ఉంది అని నందు అడగ్గా.. ‘మీ బిజినెస్ ఫైల్ నా ఫ్రెండ్ కంపెనీకి వచ్చింది.. మీ ప్రాజెక్ట్ నాకు బాగా నచ్చింది.. అందులో నేను ఇన్వెస్ట్ చేద్దాం అని అనుకుంటున్నా.. మీరు పార్టనర్ కోసం చూస్తున్నారట కదా.. నేను పార్టనర్‌గా ఎందుకు చేయకూడదని మీ దగ్గరకు వచ్చాను’ అని వచ్చిన పని గురించి చెప్తాడు రోహిత్.

అయితే నందు మాత్రం.. ఊహించని రీతిలో రియాక్ట్ అవుతాడు.. ఆయన పార్టనర్ షిప్ అంటే పండగ చేసుకోమంటారా? అని అతని తండ్రితో అంటూ రెచ్చిపోతాడు. అది గొప్ప అవకాశం అని మీరు అనుకుంటున్నారు.. నేను అనుకోవడం లేదు.. నేనే కాదు.. ఆత్మాభిమానం ఉన్న ఏ ఒక్కడూ కూడా గొప్ప అవకాశం అని అనుకోడు. రోహిత్ సాయం తీసుకుని నేను బిజినెస్ స్టార్ట్ చేస్తే.. తులసి స్నేహితుడు వల్లే నేను ఎదిగానని అంటారు. తులసి లేకుండా నేను ఎదగలేనని వేలెత్తి చూపిస్తారు. కోడలు మీద ఆధారపడిన కొడుకుగా నన్ను చూపించి నా పరువు తీస్తారని రోహిత్ పక్కన పెట్టుకుని తన తండ్రిపై ఫైర్ అవుతాడు నందు.

దీంతో రోహిత్ కల్పించుకుని.. ఇది ప్రొఫెషనల్ విషయం.. మీరు ఇలా గొడవపడితే నాకు ఇబ్బందిగా ఉంది అని రోహిత్ అనడంతో.. ‘ఇది నా ఇల్లు .. నా ఇంటి విషయం దీనితో మీకు ఎలాంటి సంబంధం లేదు.. మా ఇంటి విషయాల్లో కలుగజేసుకోవడానికి మీకు ఎలాంటి అర్హత లేదు.. మీ బిజినెస్ ప్రపోజల్ నాకు నచ్చలేదు.. మీరు పార్టనర్‌గా ఉంటే నాకు ఏమాత్రం ఇష్టం లేదు.. చాలా ఇంకా ఏమైనా చెప్పాలా? అంటూ రోహిత్‌ని ఘోరంగా అవమానిస్తాడు నందు.

ఇంక అంత తిట్టినా.. మరోసారి ఆలోచించండి.. మీకు పార్టనర్‌గా వేరే వాళ్లు రావాలంటే రారు.. అని సలహా ఇస్తాడు రోహిత్. మీ ఆఫర్ మీ దగ్గరే ఉంచుకోండి.. ఏం చేయాలో నాకు తెలుసు. మీ నుంచి ఎలాంటి హెల్ప్ అవసరం లేదు.. మీరు ఇక్కడికి ఎందుకు వచ్చారో నాకు తెలుసు.. నా భర్త ఒక చేతకాని వాడు.. సొంతంగా వ్యాపారం చేయలేడు.. నా భర్తను ఉద్దరించండి అని తులసి చెప్పి నిన్ను తీసుకుని వచ్చిందని నాకు తెలుసు’ అంటూ నందు నానా మాటలు అంటాడు.

దీంతో తులసి బాధపడుతూ.. ‘అనవసరంగా మా కుటుంబ సమస్యల్లోకి మిమ్మల్ని లాగాను.. ఆయన అన్ని మాటలు అంటుంటే అడ్డుపడలేకపోయాను’ నన్ను క్షమించు రోహిత్ అంటూ తులసి అతనికి క్షమాపణ చెప్తుంది. పర్లేదులే తులసి.. నేను నందు మాటలకు ఫీల్ కాలేదు.. ప్రతి మనిషిలోనూ ఇగో ఉంటుంది.. అది గోరంత ఉంటే పర్లేదు కానీ.. కొండంత ఉంటే కష్టం.. ఇగో పెరిగితే మనిషి తాలూకా పతనం ప్రారంభం అవుతుంది.. నందు తీసుకున్న నిర్ణయం ఫ్యామిలీ భవిష్యత్‌నే మార్చేస్తుంది.. సరైన నిర్ణయం తీసుకునేలా మీరు చూడండి అని చెప్తాడు రోహిత్.

మరోవైపు నందు డబ్బు కోసం.. బిజినెస్ కోసం ఆలోచిస్తుండగా.. లాస్య వచ్చి రోహిత్ ఆఫర్‌ని రిజెక్ట్ చేయడం నాకు బాగా నచ్చింది.. నందు ఇలాంటి వాటికి లొంగడని చెప్పావ్.. ఇంప్రెస్ అయ్యా అని తెగ పొగిడేస్తూ.. తులసి గురించి నూరుపోస్తుంది.

ఇక బిజినెస్ డబ్బు కోసం నువ్ ఆందోళన పడకు.. నేను ట్రై చేస్తా.. నాకు తెలిసిన ఫైనాన్సియర్ ఉన్నారు.. వాళ్ల దగ్గర నుంచి డబ్బు తెద్దాం.. పంతం పట్టి ముందు అడుగు వేశావ్ కాబట్టి.. వడ్డీ గురించి ఆలోచించకూడదు.. బిజినెస్ క్లిక్ అయితే వడ్డీ గురించి ఆలోచించాల్సిన పనిలేదు’ అంటూ ఫైనాన్సియర్ దగ్గరు డబ్బులు ఇప్పించడానికి నందుని ఒప్పిస్తుంది లాస్య.

మరోవైపు శృతిపై కన్నేసిన ఆమె ఇంటి ఓనర్.. ఇంటి అద్దె పేరుతో ఆమె ఇంటికి వెళ్లి పిచ్చిగా వాగుతాడు. మీరు వచ్చింది ఇంటి అద్దె కోసమే కదా.. తీసుకోండి అని ముఖంపై కొడుతుంది.

‘మీరంటే నాకు మంచి వారనే గౌరవం ఉంది.. అది పోగొట్టుకోకండి’ అని శృతి సీరియస్ కావడంతో.. ‘ఎవరి సాయం తీసుకోకుండా పద్దతిగా బతికేద్దాం అనుకుంటున్నావ్ అన్న మాట.. ఒంటరి ఆడదానికి మగాడి సాయం అవసరం.. ఆ మగాడు వేరే వాడు అయితే ఎందుకు నేనైతే సరిపోనా.. అర్థం చేసుకో.. నన్ను నీ వాడ్ని చేసుకో.. సున్నితంగా చెప్పడానికి ప్రయత్నిస్తున్నా.. కాదు అంటే నిన్న వదిలిపెట్టను’ తన వక్ర బుద్ధి చూపిస్తాడు. నీ కూతురు లాంటి దాన్ని.. నన్ను దయచేసి వదిలేయండి అని ప్రాధేయ పడుతుంది శృతి.

వందన వచ్చి మీ ఓనర్ చాలా శాడిస్ట్‌లా ఉన్నాడే ఎలా? నీకు రక్షణ లేదుగా ఎలా అని అడగ్గా.. వాడి వేషాలు ఎక్కువైతే ఓనర్ ఆంటీకి ఈ విషయం చెప్పేస్తా.. ఈలోపు నేను ఏదైనా ఉద్యోగం చూసుకోవాలి లేదంటే.. వచ్చే నెల అద్దె కూడా కట్టలేను. ప్రేమ్‌ని అడగలేను అని బాధపడుతుంది శృతి.

ఇక నందు ఫైనాన్సియర్ దగ్గర డబ్బు తీసుకోవడం కోసం రెడీ అయ్యి.. లాస్యతో కలిసి ఎదురుచూస్తుంటాడు. ఇంతలో సీన్‌లోకి లేడీ ఫైనాన్సియర్ ఎంట్రీ ఇస్తుంది. ఆమె బిల్డప్ చూస్తుంటే తులసి ఇంటికి పెంటపెట్టేట్టుగానే ఉంది. లేడీ విలన్‌గా కనిపిస్తున్న ఆ ఫైనాన్సియర్ ఎవరు? లాస్య ఆమెను ఎందుకు రంగంలోకి దించింది అన్నది రేపటి ఎపిసోడ్‌లో చూడాలి. ఇక రేపటి ప్రోమోలో అయితే తులసి-నందులు మళ్లీ గొడవపడుతూ కనిపించారు.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

తాజా వార్తల అప్డేట్ల కోసం Samayam Telugu ఫేస్‌బుక్ పేజీను లైక్ చెయ్యండి.

మరింత సమాచారం తెలుసుకోండి

Web Title : intinti gruhalakshmi telugu serial written updates 08 april 2021; tulasi gets upset when nandu refuses to take rohit's help
Telugu News from Samayam Telugu, TIL Network

Read Entire Article