ఉద్యోగం నుంచి తీసేశారని.. స్టోర్‌లోకి కారుతో దూసుకెళ్లి ఉద్యోగి బీభత్సం

2 days ago 4

| Samayam Telugu | Updated: 08 Apr 2021, 02:01:00 PM

తనని ఉద్యోగం నుంచి తొలగించారనే కోపంతో ఓ ఉద్యోగి తాను పనిచేస్తున్న వాల్‌మార్ట్ స్టోర్‌లోకి కారుతో దూసుకెళ్లాడు. వస్తువులన్నీ ధ్వంసం చేశాడు. పోలీసులు అక్కడికి చేరుకొనేవరకు స్టోరులో కారుతో తిరుగుతూనే ఉన్నాడు.

Image Credit: City of Concord, NC - Police Department/FB

ప్రధానాంశాలు:

  • ఉద్యోగం నుంచి తీసేశారనే కోపంతో ఉద్యోగి బీభత్సం.
  • కారుతో స్టోర్‌లోకి దూసుకెళ్లి విధ్వంసం.
  • నిందితుడిని అదుపులోకి తీసుకున్న పోలీసులు.
కస్మాత్తుగా ఉద్యోగం నుంచి తొలగిస్తే కలిగే బాధ.. దాన్ని అనుభవించేవారికే తెలుస్తుంది. ఆ క్షణంలో భవిష్యత్తు సూన్యంలా కనిపిస్తుంది. ఆ నిర్ణయం తీసుకున్న యాజమాన్యంపై ఆగ్రహం ఏర్పడుతుంది. కొందరు దాన్ని మాటలతో లేదా చేష్టలతో వ్యక్తం చేస్తారు. ఈ వ్యక్తి అంతకంటే భయనకంగా తన కోపాన్ని వ్యక్తం చేశాడు. తాను పనిచేస్తున్న సూపర్ మార్కెట్లోకి కారుతో దూసుకెళ్లాడు. వస్తువులన్నీ ఛిద్రం చేశాడు.

ఈ ఘటన ఉత్తర కరోలినాలోని కాంకార్డ్‌లో చోటుచేసుకుంది. 32 ఏళ్ల ల్యాసీ కార్డెల్ జెంట్రీ వాల్‌మార్ట్‌లో పనిచేసేవాడు. ఇటీవల అతడిని ఉద్యోగం నుంచి తొలగించారు. దీంతో అతడు కోపంతో రగిలిపోయాడు. ఫ్రస్ట్రేషన్‌తో ఉన్న ల్యాసీ తన వోక్స్‌వాగెన్ కారుతో వాల్‌మార్ట్ స్టోర్ ప్రవేశ ద్వారం నుంచి దూసుకెళ్లాడు. స్టోర్‌లోని వస్తువులను ధ్వంసం చేశాడు. స్టోరులో ఉన్న భారీ ఎల్‌ఈడీ స్క్రీన్‌ను ఢీకొట్టిన తర్వాతే కారును ఆపాడు.

Read Also: చెడ్డిలో వరుడు.. పెళ్లి దుస్తులు వేసుకోకుండానే వివాహం, ఎందుకంటే..

ఈ ఘటన వివరాలను పోలీసులు తమ ఫేస్‌బుక్ పేజ్‌లో పోస్టు చేశారు. ‘‘స్టోర్ యాజమాన్యం ఫిర్యాదుతో అక్కడికి చేరుకున్నాం. అయితే, అప్పటికీ ల్యాసీ కారును స్టోరులో నడుపుతూనే ఉన్నాడు. ఎల్‌ఈడీ స్క్రీన్‌ను ఢీకొట్టిన తర్వాత ల్యూసీ కారు ఆపాడు. దీంతో అతడిని అదుపులోకి తీసుకున్నాం. అతడి రెండు క్రిమినల్ కేసులు నమోదు చేశాం. ఇతరులకు హానికలిగేలా కారుతో స్టోర్‌లోకి ప్రవేశించడం, వస్తువులను ధ్వంసం చేయడం తదితర నేరాల కింద కోర్టు అతడికి శిక్ష విధించే అవకాశాలున్నాయి’’ అని పేర్కొన్నారు.
ఇంట్లో పిల్లి మిస్సింగ్.. కొండ చిలువ కడుపులో ప్రత్యక్షం, చివరికి..

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

తాజా వార్తల అప్డేట్ల కోసం Samayam Telugu ఫేస్‌బుక్ పేజీను లైక్ చెయ్యండి.

మరింత సమాచారం తెలుసుకోండి

Web Title : man goes on rampage in walmart store with car after he getting fired from job
Telugu News from Samayam Telugu, TIL Network

Read Entire Article