కర్నూలు: శ్రీశైలంలో బయటపడ్డ పురాతన చిత్ర లిపి.. పెద్ద చరిత్రే, ఏం రాసి ఉందంటే!

2 days ago 3

| Samayam Telugu | Updated: 08 Apr 2021, 07:25:00 AM

శ్రీశైలం ఆలయ ప్రాచీన శాసనాలు ఉన్నాయన్న సమాచారంతో ఈవో రామారావు, తెలుగు విశ్వ విద్యాలయ పీఠం ప్రొఫెసర్ చంద్రశేఖర్ రెడ్డి ఆ ప్రాంతాన్ని పరిశీలించారు.

శ్రీశైలం

ప్రధానాంశాలు:

  • శ్రీశైలం ఆలయ సమీపంలో పురాత చిత్ర లిపి
  • ఆలయ చరిత్రకు అద్దం పట్టేలా శాసనాలు
  • సాంకేతిక నిపుణులతో శాశనాల అధ్యయనం
కర్నూలు జిల్లా శ్రీశైల మహాక్షేత్రంలో పురాతన శాసనాలు బయటపడ్డాయి. రుద్రాక్ష మఠానికి ఉత్తరం వైపు ఉన్న పరుపు బండపై పురాతన చిత్ర లిపి శాసనాలను గుర్తించారు. ఆలయ ప్రాచీన శాసనాలు ఉన్నాయన్న సమాచారంతో ఈవో రామారావు, తెలుగు విశ్వ విద్యాలయ పీఠం ప్రొఫెసర్ చంద్రశేఖర్ రెడ్డి ఆ ప్రాంతాన్ని పరిశీలించారు. ఆలయ చరిత్రకు అద్దం పట్టేలా ఉన్న చిత్ర లిపి శాసనాలను గుర్తించారు. ప్రాచీన శాసనాలను సాంకేతిక నిపుణులతో అధ్యయనం చేయించడానికి దేవదాయ శాఖ ఉన్నతాధికారులు, జిల్లా కలెక్టర్‌కు నివేదిక పంపనున్నారు.

విభూతిమఠం వద్ద కూడా పలు శాసనాలు ఉన్నాయి. ఈ శాసనాలు 2500 నుంచి 3700 సంవత్సరాల పూర్వం నాటివి కావొచ్చని తెలుగు విశ్వవిద్యాలయం ప్రొఫెసర్ ఆర్‌.చంద్రశేఖర్‌రెడ్డి చెప్పారు. పురాతన శాసనాల పరిరక్షణకు చర్యలు తీసుకోనున్నామని ఈవో తెలిపారు. శ్రీశైల మహాక్షేత్రంలో ఈ పురాతన చిత్ర లిపి శాసనాలు బయటపడటం ఆసక్తికరంగా మారింది. అంతేకాక గతంలో ఆలయం సమీపంలో తామ్ర పత్రాలు, శాశనాలు, పురాతన నాణేలు బయటపడ్డాయి.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

తాజా వార్తల అప్డేట్ల కోసం Samayam Telugu ఫేస్‌బుక్ పేజీను లైక్ చెయ్యండి.

మరింత సమాచారం తెలుసుకోండి

Web Title : kurnool: ancient inscription found near srisailam temple
Telugu News from Samayam Telugu, TIL Network

Read Entire Article