‘కార్తీకదీపం’ ఏప్రిల్ 8 ఎపిసోడ్: రసవత్తరంగా మారిన కథనం.. హిమ వేసిన ప్రశ్నలు సూపర్..

2 days ago 3

మోనిత తన పైత్యం చూపెడుతూనే ఉంది. నేటి ఎపిసోడ్ చాలా ఉత్కంఠగా మారింది. దీప మానసిక ఆవేదన ప్రేక్షకులను కట్టిపారేసింది. బుల్లితెర ప్రేక్షకుల్ని ఎంతగానో ఆకట్టుకుంటున్న ‘కార్తీకదీపం’ సీరియల్.. నేడు(2021 ఏప్రిల్ 8)న 1008 ఎపిసోడ్‌కి ఎంటర్ అయ్యింది.

‘కార్తీకదీపం’ ఏప్రిల్ 8 ఎపిసోడ్(photo courtesy by star మా and disney+ hotstar)

బుల్లితెర ప్రేక్షకుల్ని ఎంతగానో ఆకట్టుకుంటున్న ‘కార్తీకదీపం’karthika deepam సీరియల్.. నేడు(2021 ఏప్రిల్ 8)న 1008 ఎపిసోడ్‌కి ఎంటర్ అయ్యింది. 1008వ ఎపిసోడ్‌ హైలైట్స్..
‘మేము ఇక ఎక్కడికి వెళ్లం నాన్నా.. అయినా మేము కావాలని వెళ్లలేదుగా.. నువ్వు మమ్మల్ని ఆపలేదుగా..’ అంటారు. ‘మరి ఆపితే ఆగేవాళ్లా’ అని కార్తీక్ అంటే.. ‘అమ్మనికూడా ఉండమంటే ఉండే వాళ్లం.. మాకు నువ్వు చాలా గుర్తొచ్చేవాడివి.. చాలా ఏడ్చేవాళ్లం.. ఫోన్ కూడా చేద్దాం అనుకున్నాం.. కానీ నువ్వు రావని ఆగాం. అమ్మ కూడా నీ గురించి మంచిగానే చెప్పేది.. నాన్న మంచివాడా చెడ్డవాడా అని అడిగితే దేవుడు లాంటివాడు, పిలిస్తే పలుకుతాడు’ అని చెప్పేది అంటారు పిల్లలు. దాంతో దీప ఏడుస్తూ ‘నమ్మరా నమ్మరా’ అని చివరిగా తులసి విషయంలో అడిగిన మాటలు గుర్తొచ్చి మంచంపై కూలబడతాడు.

‘మీరు వెళ్లినప్పటి నుంచి మీ అమ్మ నన్ను తలుచుకోలేనుకుంటాను’ అంటాడు కార్తీక్ ఎమోషనల్‌గా. ‘ఎందుకు తలుచుకోలేదు నాన్నా..? అమ్మపెట్టుకునే బొట్టులో నువ్వు ఉంటావట, మెడలోని మంగళ సూత్రంలో నువ్వు ఉంటావట..’ అని సౌర్య చెప్పడంతో కార్తీక్‌లో ఆలోచన మొదలవుతుంది. ‘అవును నాన్నా మేము కూడా నిన్ను చాలా తలుచుకునేవాళ్లం’ అని హిమ అనగానే.. ‘మరి నన్ను వదిలి ఇంకెప్పుడు వెళ్లిపోనని మాటివ్వండి’ అంటూ మాట తీసుకుంటాడు కార్తీక్.

తెల్లారే మోనిత యోగా చెయ్యడానికి కూర్చుంటుంది. కానీ కార్తీక్ టిఫిన్ సెంటర్ దగ్గర చేసిన పనులే గుర్తు చేసుకుంటూ మాటి మాటికి కళ్లు తెరిచేస్తూ ఉంటుంది. ఇంతలో ప్రియమణి జ్యూస్ తెచ్చి పెట్టడంతో.. మోనిత ప్రెస్టేషన్ చూసి పలకరిస్తుంది ‘ఏంటమ్మా యోగా చేస్తే మంచిది అన్నారు.. ఇప్పుడు ఏం అయ్యింది’ అంటూ. ‘కళ్లు మూసినా తెరిచి ఇడ్లీ బండే కనిపిస్తోంది ఇంత క్రమశిక్షణ నా వల్ల కాదు.. నాకు యోగా సెట్ అయ్యే యోగమే లేదు.. నా బతుక్కు ఓ కారణం ఉంది. నాకు ఒక గోల్ కూడా ఉంది. అది పూర్తి కాకుండా నేను అన్నీ చంపుకుని కోపాన్ని, ధ్వేషాన్ని, పగని అన్ని మరిచిపోయి నా జీవిత ఆశయాన్ని పక్కనపెడదామని ఎలా అనుకున్నానో నాకే అర్థం కావట్లేదు.. తీరిగ్గా ఆలోచిస్తా’ అంటుంది. ‘ఆ పని చెయ్యడమ్మా.. జ్యూస్ తెచ్చాను తాగండి’ అని ప్రియమణి వెళ్లిపోతూ ఉంటే.. ‘ఆగు.. జ్యూస్ తీసుకుని వెళ్లి అందులో కాఫీ పొడి, సుగర్ వేసి.. బాగా మరిగించి వడకట్టి తీసుకునిరా.. నాకు రెండు ఒకేసారి తాగాలనిపిస్తోంది’ అంటుంది మోనిత తన పైత్యం చూపిస్తూ. ప్రియమణి బిత్తరపోతుంది.

సీన్ కట్ చేస్తే దీప కార్తీక్ రూమ్‌లో ఉన్న పిల్లల కోసం రూమ్ తలుపు తీస్తుంది. సరిగ్గా అప్పుడే దీప కార్తీక్ ముందు శ్రీశ్రీ కవిత్వం చదివిన సీన్ గుర్తొస్తుంది. కార్తీక్‌తో తను సంతోషంగా గడిపిన రోజులు గుర్తొస్తాయి. ఒక్కసారిగా తలుపు వెనక్కి వేసి కాసేపు ఆగిపోతుంది. మళ్లీ నెమ్మదిగా తలుపు తీసి లోపికి వెళ్లి బెడ్ మీద మత్తుగా నిద్రపోతున్న పిల్లల్ని చూసి..‘ఏ గూటికి చేరాలో ఆ గూటికే చేరాయి ఈ చిన్ని గువ్వలు.. ఎంత నిశ్చంతగా నిద్రపోతున్నారో? మరి నేను? ఎన్నాళ్లు ఎన్నేళ్లు ఎంత ఒంటరితనాన్ని అనుభవించాను..? పిల్లలకు న్యాయం చెయ్యాలనిపించింది కానీ.. నాకు న్యాయం చెయ్యాలని అనిపించదు ఆ మనిషికి..’ అనుకుంటూ పక్కనే టేబుల్ మీద పిల్లల బట్టలు చూసి.. పిల్లల్ని ‘తెల్లారింది లేవండీ’ అంటూ నిద్రలేపుతుంది. ఇద్దరూ లేచి.. ‘నాన్న(డాడీ) ఏడమ్మా’ అంటారు.

‘ఏమో నాకేం తెలుసు..’ అంటుంది దీప కోపంగా. ‘అమ్మా ఓ సారి అటు చూడు’ అంటుంది సౌర్య ఎదురుగా ఉన్న నాన్న టిఫిన్ సెంటర్ బోర్డ్ చూపిస్తూ. ఇంతలో కార్తీక్ వాష్ రూమ్‌లోంచి ముఖం తుడుచుకుంటూ బయటికి వస్తాడు. దీపని చూస్తాడు. పిల్లలు కార్తీక్‌కి గుడ్ మార్నింగ్ చెబుతారు. దీప అక్కడ నిలబడటానికి ఇబ్బంది పడి ‘మీరు ప్రెష్ అయ్యి రండీ’ అంటూ వెళ్లబోతుంది. ‘ఆగమ్మా.. ఆ బోర్డ్ నాన్న ఎందుకు అక్కడ పెట్టాడో తెలుసా? ఇంకెప్పుడు ఇళ్లు వదిలి వెళ్లాలని అనిపించకూడదని.. మా దగ్గర మాట కూడా తీసుకున్నాడు’ అని చెబుతూ ఉంటే.. దీప కార్తీక్ వైపు చూస్తుంది. కార్తీక్ కూల్‌గా తల దించుకుని టవల్‌తో చేతులు తుచుకుంటూ ఉంటాడు. ‘మీరు రెడీ అయ్యి రండీ’ అని చెప్పి దీప వెళ్లిపోతుంది.

జాగింగ్‌కి వెళ్లి వచ్చిన ఆనందరావు.. సౌందర్య దగ్గరకు వచ్చి సౌందర్యతో దీప కార్తీక్‌ల గురించి మాట్లాడుకుంటారు. ‘సౌందర్యా నాకో విషం అర్థం కావట్లేదు.. వాడితో నిన్న దీప ఉద్యోగం గురించి మాట్లాడాను. అందులో ఏం అభ్యంతరం లేదు కానీ.. ఇప్పుడే కొన్ని రోజుల పాటు దీపకు ఏ బాధ్యతలు ఇవ్వద్దు అన్నాడు’ అని ఆనందరావు అంటే.. ‘అవునండీ.. వాడి మనసులో ఏదో ఉంది. పిల్లలు వచ్చారన్న ఆనందం కంటే.. ఇప్పటికీ ఏదో ముభావంగా ఉంటున్నాడు. అలా అని దీపని మాటలు అనడంలేదు.. ఏం అయ్యి ఉంటుందంటావ్. తెలుసుకోవాలి వాడి మనసులో ఏం ఉందో’ అని సౌందర్య అంటుంది.

సీన్ కట్ చేస్తే.. దీప దోసెలు వేసుకోవాలని డైనింగ్ టేబుల్ దగ్గర నుంచి కిచెన్‌లోకి వెళ్తుంటే.. గతంలో కార్తీక్ చేసిన గాయలు గుర్తుకొస్తూ ఉంటాయి. దాంతో దీప ఆవేశంగా అక్కడున్న కూరగాయల బుట్టల్ని విసిరి కొడుతుంది. అయితే అప్పటికే నీరంగా ఉండటంతో కళ్లు తిరిగి పడిపోబోతుంటే.. మాలతీ వచ్చి పట్టుకుంటుంది. కళ్లు మసగలు బారుతుంటే.. మాలతీని గుర్తించిన దీప నవ్వుతుంది. ‘మీరా అమ్మా ఎప్పుడొచ్చారు’ అని పలకరిస్తుంది మాలతి దీపని పట్టుకునే. ‘నిన్న వెలుతురులోనే వచ్చాను.. వచ్చాక చీకటైంది మాలతీ’ అంటుంది దీప. ‘కళ్లు తిరిగాయా అమ్మా’ అంటూ దీపని పట్టుకుని కూర్చోబెడుతుంది. మంచి నీళ్లు ఇస్తుంది.

‘ఆగండమ్మా టీ తెస్తాను’ అంటూ కిచెన్‌లోకి వెళ్తుంది మాలతి. టీ పెడుతూ పెడుతూ.. ‘మీ మీద అందరూ బెంగపెట్టుకున్నారు.. మీ మామగారిని హాస్పెటల్‌లో జాయిన్ చెయ్యాల్సి వచ్చింది.. మీ నాన్నగారిని వెతకమని పంపించారట కదా.. ఆయన తీసుకొచ్చి ఉంటారు మిమ్మల్ని.’ అంటుంది మాలతి. ‘కాదా మాలతి.. డాక్టర్ బాబే తీసుకొచ్చా’ అంటుంది దీప. వెంటనే మాలతీ సంబరంగా టీ చేస్తూనే కాస్త పంచదార నోటిలో పోసుకుని.. ‘తియ్యటి వార్తమ్మా ఇది.. పోనీలే చాలా సంతోషం’ అంటూ మాలతీ సంతోషంగా టీ తీసుకొచ్చి ఇస్తూనే.. కిందపడిన కూరగాయలను చూస్తూ.. ‘ఇవన్నీ మీకు కళ్లు తిరిగినప్పుడు పడిపోయాయా అమ్మా’ అంటుంది. దీప మౌనంగా ‘ఊ’ అంటూ అబద్దం చెబుతుంది.

దాంతో మాలతీ.. ‘మీరు ఈ ఇంటి కోడలు.. నేను ఈ ఇంట్లో పని మనిషిని.. అయినా నేనో మాట చెప్పాలనుకుంటున్నాను.. తప్పుగా అనుకోరుగా?’ అంటుంది కూరగాయలు ఏరుతూ. ‘అదేం లేదు మాలతీ.. నీకు నాకు పెద్ద భేదం లేదు.. చెప్పు’ అనడంతో.. ‘అసలు మీరు ఎందుకు బయటికి వెళ్లాలమ్మా.. ఇక్కడ కూడా పరాయి దానిలా ఎందుకు ఉండాలి. ఇది మీ ఇళ్లు.. మీ పిల్లలకు నాన్నమ్మ ఇల్లు’ అంటుంది. ‘మాలతీ డాక్టర్ బాబు ఈ ఇంటికి తన భార్యగా కాదు.. ఓ వంటలక్కగా తీసుకొచయచాడు. అదే భేదం’ అని చెప్పి అక్కడ నుంచి వెళ్లిపోతుంది దీప.

సీన్ కట్ చేస్తే.. ‘కార్తీక్ తన రూమ్‌లో నాన్న టిఫిన్ సెంటర్ బోర్డ్ పట్టుకుని బాధపడుతుండగా హిమ వచ్చి.. ‘ఏం చేస్తున్నావ్ డాడీ’ అనగానే బోర్డ్ కనిపించకుండా పక్కన పెట్టి కళ్లు తుడుచుకుని హిమతో మాట్లాడతారు. ఆ సమయంలో.. ‘నాన్నమ్మ తాతయ్య ఒకే రూమ్‌లో ఉంటారు. ఆదిత్య బాబాయ్ పిన్నీ ఒకే రూమ్‌లో ఉంటారు. మరి అమ్మ ఎందుకు ఎందుకు మనతో ఉండటం లేదు.. నువ్వు పైనుంటే అమ్మ కిందుంటుంది. నువ్వు కిందుంటే అమ్మ గదిలోంచి బయటికి రావట్లేదు ఎందుకు డాడీ? అసలు అమ్మ ఎందుకు గెస్ట్ రూమ్‌లో ఉంటుంది. గెస్ట్ రూమ్‌లోకి వచ్చిన వాళ్లు కొన్ని రోజులు ఉండి వెళ్లిపోతారట కదా.. అమ్మ కూడా వెళ్లిపోతుందా..? పంపించేస్తావా?’ అంటూనే.. దీప టిఫిన్ సెంటర్ దగ్గర పడిన కష్టాల గురించి చెబుతూ ఉంటే కార్తీక్‌ కళ్లల్లో నీళ్లు తిరుగుతాయి. ‘చెప్పకమ్మా అక్కడి కష్టాల గురించి’ అంటూ ఆపేస్తాడు కార్తీక్. మొత్తానికి నేటి ఎపిసోడ్‌లో దీప మానసిక ఆవేదన ప్రేక్షకుల మనసుని కట్టిపారేసింది. మరిన్ని వివరాలు తరువాయి భాగంలో చూద్దాం! ‘కార్తీకదీపం’ కొనసాగుతోంది.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

తాజా వార్తల అప్డేట్ల కోసం Samayam Telugu ఫేస్‌బుక్ పేజీను లైక్ చెయ్యండి.

మరింత సమాచారం తెలుసుకోండి

Web Title : malathi takes care of deepa when she falls unconscious in karthika deepam serial today april 8 episode
Telugu News from Samayam Telugu, TIL Network

Read Entire Article