కోయంబేడు మార్కెట్ క్లోజ్.! తమిళనాడులో కోవిడ్ నిషేధాజ్ఞలు

2 days ago 3

| Samayam Telugu | Updated: 08 Apr 2021, 03:29:00 PM

కోవిడ్ కేసులు పెరిగిపోతుండడంతో తమిళనాడు ప్రభుత్వం నిషేధాజ్ఞలు విధించింది. ఈ నెల 10వ తేదీ నుంచి ఆంక్షలు అమల్లోకి రానున్నాయి. కోయంబేడు మార్కెట్‌ రిటైల్ దుకాణాలను మూసివేయాలని ఆదేశించారు.

ప్రతీకాత్మక చిత్రం

ప్రధానాంశాలు:

  • కోవిడ్ ఆంక్షలు విధించిన తమిళనాడు
  • థియేటర్లు, మాల్స్‌కి 50 శాతం అనుమతి
  • కోయంబేడులో రిటైల్ షాపులు క్లోజ్
ఎన్నికల సమరం ముగిసిన వెంటనే తమిళనాడులో నిషేధాజ్ఞలు అమల్లోకి రానున్నాయి. కోవిడ్ కేసులు రోజురోజుకీ పెరిగిపోతుండడంతో ప్రభుత్వం కీలక ఆదేశాలు జారీ చేసింది. ఏప్రిల్ 10 నుంచి ఆంక్షలు అమలు చేయనుంది. పండుగలు, మతపరమైన వేడుకలను పూర్తిగా నిషేధించింది. అలాగే ప్రతిష్టాత్మక కోయంబేడు మార్కెట్‌లో ఆంక్షలు అమల్లోకి రానున్నాయి. పండ్లు, కూరగాయల రిటైల్ షాపులను మూసివేయాలని ఆదేశాలు జారీ చేసింది. కేవలం హోల్ సేల్ దుకాణాలను మాత్రమే అనుమతిస్తారు. జనసమ్మర్థాన్ని తగ్గించేందుకు ఈ చర్యలు చేపట్టినట్లు తెలుస్తోంది.

అలాగే చెన్నైలోని సిటీ బస్సులు, ఎంటీసీ బస్సుల్లో ఇకపై నిల్చునే వారికి అవకాశం లేదని.. కేవలం సీటింగ్ కెపాసిటీ మేరకే ప్రయాణికులకు అనుమతినిచ్చారు. షాపింగ్ మాల్స్, సినిమా థియేటర్లపైనా ప్రభుత్వం ఆంక్షలు విధించింది. యాభై శాతం కస్టమర్లను మాత్రమే అనుమతించాలని నిబంధనలు విధించింది. పెద్ద పెద్ద షోరూమ్‌లు, జ్యూవెలరీ దుకాణాలు, రిక్రియేషన్ క్లబ్స్, ఎంటర్‌టైన్‌మెంట్, ఎమ్యూజ్‌మెంట్ పార్కులు, మల్టీప్లెక్స్‌లలోని ధియేటర్లలోనూ 50 శాతం మందిని మాత్రమే అనుమతించేలా నిబంధనలు అమల్లోకి తీసుకురానుంది. పదో తేదీ నుంచి ఈ ఆంక్షలు అమల్లోకి రానున్నాయి.

Also Read: జీతాలు తీసుకునే వారు అమరవీరులా.! చిచ్చురాజేసిన ‘ఆమె’ఫేస్‌బుక్‌ పోస్ట్

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

తాజా వార్తల అప్డేట్ల కోసం Samayam Telugu ఫేస్‌బుక్ పేజీను లైక్ చెయ్యండి.

మరింత సమాచారం తెలుసుకోండి

Web Title : coronavirus: tn govt announces new restrictions
Telugu News from Samayam Telugu, TIL Network

Read Entire Article