గదికి రోజూ నలుగురైదుగురు.. ఇంటి యజమానికి అనుమానం రావడంతో..

2 days ago 3

| Samayam Telugu | Updated: 08 Apr 2021, 08:46:00 AM

భర్తపై అలిగి పుట్టింటికి వచ్చిన యువతిని దగ్గరి బంధువు టార్గెట్ చేశాడు. రెండేళ్ల కూతురు కూడా ఉన్న ఆమెను నమ్మించి భర్త దగ్గరకు తీసుకెళ్తానని నమ్మించాడు. నగరానికి తీసుకొచ్చి గదిలో బంధించి రోజుకు నలుగురైదుగుర్ని తీసుకొచ్చి బలవంతంగా ఆమెతో వ్యభిచారం చేయించాడు.

వివాహితను మోసం చేసిన వ్యక్తి

ప్రధానాంశాలు:

  • వివాహితను మోసం చేసిన దగ్గరి బంధువు
  • భర్త దగ్గరకు తీసుకెళ్తానని వ్యభిచారంలోకి
  • కూతురు, తల్లికి సిగరెట్‌తో కాల్చి వేధింపులు
భర్తతో గొడవ పడ్డ భార్య అలిగి పుట్టింటికి వెళ్లింది. ఈ క్రమంలో వరుసకు సోదరుడు అయిన వ్యక్తి వచ్చి నీ భర్త రమ్మంటున్నాడు అన్నాడు. అంతే ఎగిరి గంతేసింది. లగేజ్ సర్దుకొని భర్త దగ్గరకు వెళ్లేందుకు రెడీ అయిపోయింది. తెలిసిన వ్యక్తే కదా అని అతని వెంట నమ్మి వెళ్లిన ఆమెకు చిత్రహింసలు పెట్టాడు. రెండేళ్ల కూతుర్ని కూడా సిగరెట్లతో కాల్చి పైశాచికత్వం ప్రదర్శించాడు. ఓ ఇంట్లో బంధించి ఆమెతో బలవంతంగా వ్యభిచారం చేయించాడు. ఈ ఘటన హైదరాబాద్‌లో చోటు చేసుకుంది. అయితే ఇంటి యజమానికి అనుమానం రావడంతో బాధితురాలు ఆ నరకం నుంచి బయటపడింది.

వివరాల్లోకి వెళ్తే.. తూర్పుగోదావరి జిల్లా ఎటపాక మండలానికి చెందిన యువతి (21)కి గార్ల మండలానికి చెందిన వ్యక్తితో మూడేళ్ల కిందట పెళ్లయింది. వారికి రెండేళ్ల కుమార్తె ఉంది. కూలి పనులు చేసుకుని బతికేవారు. ఎనిమిది నెలల కిందట దంపతుల మధ్య చిన్నపాటి గొడవ జరగడంతో మనస్తాపం చెందిన ఆమె కుమార్తెను తీసుకుని పుట్టింటికి వెళ్లిపోయింది. ఈ విషయం తెలిసి అదే గ్రామానికి చెందిన భూక్యా సర్వేశ్‌ మార్చి నెలలో ఆ యువతి పుట్టింటికి వెళ్లాడు. ‘నీ భర్త రమ్మంటున్నాడు’ అంటూ ఆమెకు మాయమాటలు చెప్పాడు. భర్త పిలిచాడనగానే ఆమె ఆశపడింది. అప్పటికే సర్వేశ్‌తో పరిచయం ఉండటం, సోదరుడిగా భావించి పలుమార్లు రాఖీ కట్టడంతో కుమార్తెను తీసుకుని అతడి వెంట హైదరాబాద్‌ బయలుదేరింది.

అయితే ఆమెను దిల్‌సుఖ్‌నగర్‌లోని తన గదికి తీసుకువెళ్లాడు. రెండురోజులైనా భర్త కనిపించకపోవడంతో అనుమానం వచ్చి ప్రశ్నించగా.. సర్వేశ్‌ వికృతరూపం బయటపడింది. ఆమె వద్ద ఉన్న 5 తులాల బంగారు నగలను లాక్కున్నాడు. తీవ్రంగా కొట్టి సిగరెట్‌తో కాల్చి వాతలు పెట్టాడు. ఆమె రెండేళ్ల కుమార్తె వీపుపైనా సిగరెట్లతో కాల్చి తీవ్రంగా హింసించాడు. తన మాట వినకుంటే పాపను చంపేస్తానని బెదిరించాడు. అంతేకాకుండా మత్తుమందు ఇచ్చి ఆమెతో వ్యభిచారం చేయించాడు. రోజూ నలుగురైదుగురిని తీసుకువచ్చేవాడు.

అయితే ఇంటి యజమానికి అనుమానం వచ్చి సర్వేశ్‌ లేని సమయంలో గది తాళం పగలగొట్టాడు. ఆమెను బయటకు తీసుకొచ్చి వివరాలు ఆరా తీశాడు. ఆమె ఏడుస్తూ జరిగిందంతా చెప్పింది. వెంటనే ఆయన కొన్ని డబ్బులు ఇచ్చి ఇంటికి వెళ్లిపోమని పంపేశారు. ఎలాగోలా పుట్టింటికి చేరిన బాధితురాలు జరిగిన దారుణాన్ని తల్లిదండ్రులకు వివరించింది. వారు బుధవారం గార్ల మండలానికి చేరుకుని బాధితురాలితో కలిసి పోలీసులకు ఫిర్యాదు చేశారు.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

తాజా వార్తల అప్డేట్ల కోసం Samayam Telugu ఫేస్‌బుక్ పేజీను లైక్ చెయ్యండి.

మరింత సమాచారం తెలుసుకోండి

Web Title : married woman forced by prostitution cheated by relative man in hyderabad
Telugu News from Samayam Telugu, TIL Network

Read Entire Article