చిట్యాల: చిన్న దెబ్బే కదా లైట్ తీసుకుంటే ప్రాణమే పోయింది

2 days ago 3

| Samayam Telugu | Updated: 08 Apr 2021, 10:06:00 AM

ప్రమాదంలో తగిలిన గాయంపై నిర్లక్ష్యం వహించిన బాలుడు కొద్ది గంటల్లోనే ప్రాణాలు కోల్పోయిన ఘటన నల్గొండ జిల్లాలో జరిగింది. అర్ధరాత్రి వాంతులు చేసుకుని కాసేపేటికే చనిపోయాాడు.

బాలాజీ(ఫైల్ ఫోటో)

ప్రధానాంశాలు:

  • ప్రమాదంలో తగిలిన గాయంపై బాలుడి నిర్లక్ష్యం
  • కుటుంబసభ్యులకు చెప్పకుండా చికిత్స
  • అర్ధరాత్రి వాంతులు చేసుకుని మరణం
తగిలింది చిన్న గాయమే కదా అని కుటుంబసభ్యులకు చెప్పలేదు. ఎవరికీ తెలియకుండా ఆర్ఎంపీ డాక్టర్ దగ్గర చికిత్స చేయించుకున్నాడు. ఆ తర్వాత తీవ్ర అస్వస్థతకు గురైన ప్రాణాలు కోల్పోయాడు. ఈ ఘటన నల్గొండ జిల్లా మునుగోడు మండలం కొరటికల్‌ గ్రామంలో జరిగింది. కొరటికల్‌‌కు చెందిన మందుల బాలాజీ(16) తన స్నేహితుడు సాయితేజతో కలిసి మంగళవారం సాయంత్రం చిట్యాల మండలం పెద్దకాపర్తికి ఇసుక ట్రాక్టర్‌ అన్‌లోడ్‌ చేసేందుకు వచ్చాడు.

Also Read: జగిత్యాలలో వింత ఘటన.. బతికుండగానే సమాధి నిర్మించుకున్న వృద్ధుడు

తిరిగెళ్తుండగా చిన్నకాపర్తి వద్ద డ్రైవర్‌ పక్కన కూర్చున్న బాలాజీ అదుపుతప్పి ట్రాక్టర్‌ పైనుంచి జారిపడ్డారు. దీంతో ట్రాలీ అతని పైనుంచి వెళ్లింది. కాలుకు మాత్రమే దెబ్బ తగిలిందని, పెద్దగా గాయాలు కాలేదనుకున్న అతడు చిన్నకాపర్తిలో ఆర్‌ఎంపీ వద్ద వైద్యం చేయించుకొని ఇంటికి వెళ్లిపోయాడు. ఈ విషయం కుటుంబసభ్యులకు తెలిస్తే కంగారు పడతారని ఎవరికీ చెప్పలేదు. బుధవారం తెల్లవారుజామున 2 గంటల సమయంలో అస్వస్థతకు గురైన బాలాజీ వాంతులు చేసుకొని కాసేపటికే మృతి చెందాడు. ఈ ఘటనపై సమాచారం అందుకున్న చిట్యాల పోలీసులు మృతదేహాన్ని పరిశీలించారు. వివరాలు సేకరిస్తుండగా బాలాజీకి జరిగిన ప్రమాదం వెలుగులోకి వచ్చింది. మూత్రపిండాల భాగంలో దెబ్బలు తగలడంతోనే బాలాజీ చనిపోయి ఉండొచ్చని పోలీసులు అనుమానిస్తున్నారు.

Also Read: కన్నకూతురిపై పైశాచికం.. గుట్టుగా అబార్షన్, చావును మించిన శిక్ష వేసిన కోర్టు

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

తాజా వార్తల అప్డేట్ల కోసం Samayam Telugu ఫేస్‌బుక్ పేజీను లైక్ చెయ్యండి.

మరింత సమాచారం తెలుసుకోండి

Web Title : boy died suddenly over injured in tractor accident in nalgonda district
Telugu News from Samayam Telugu, TIL Network

Read Entire Article