జగిత్యాలలో వింత ఘటన.. బతికుండగానే సమాధి నిర్మించుకున్న వృద్ధుడు

2 days ago 3

| Samayam Telugu | Updated: 08 Apr 2021, 09:15:00 AM

జగిత్యాల జిల్లాకు చెందిన ఇంద్రయ్య అనే వృద్ధుడు బతికుండగానే తన సమాధిని నిర్మించుకున్నారు. 20 ఏళ్ల క్రితమే రాతి నిర్మాణంతో నిర్మించిన ఈ సమాధి వద్దకు ఆయన తరుచూ వచ్చి సేద తీరుతుంటారు.

తన కోసం నిర్మించుకున్న రాతి సమాధి వద్ద ఇంద్రయ్య

ప్రధానాంశాలు:

  • జగిత్యాలలో వింత ఘటన
  • తన సమాధిని స్వయంగా నిర్మించుకున్న వృద్ధుడు 20 ఏళ్ల క్రితమే రాళ్లతో నిర్మాణం
  • 20 ఏళ్ల క్రితమే రాళ్లతో నిర్మాణం

మనిషి చనిపోయాక కుటుంబసభ్యులు అంత్యక్రియలు జరపడం, ధనవంతులైతే పాలరాతితో సమాధులు కట్టడం సాధారణమే. అయితే ఓ వ్యక్తి మాత్రం చనిపోకముందే తన సమాధి తానే సిద్ధం చేసుకున్నాడు. ఈ ఘటన వింత ఘటన తెలంగాణలోని జగిత్యాల జిల్లాలో వెలుగుచూసింది. జగిత్యాల గ్రామీణ మండలం లక్ష్మీపూర్‌కు చెందిన నక్క ఇంద్రయ్య అనే 75 ఏళ్ల వృద్ధుడు బతికుండగానే తన సమాధిని నిర్మించుకున్నారు.

ఇంద్రయ్య 20 ఏళ్ల కిందటే ఈ సమాధి నిర్మించుకోగా ఆయన భార్య గతంలో మృతిచెందగా.. ఈ సమాధి పక్కనే ఆమె సమాధి నిర్మించారు. రెండు సమాధులనూ రాతి నిర్మాణంతో పూర్తి చేశారు. ఎంత సంపాదించినా చివరికి చేరేది ఇక్కడికే గనుక బ్రతికుండగానే తన సమాధిని నిర్మించుకున్నట్లు ఇంద్రయ్య తెలిపారు. తాను చనిపోయాక కుమారుడు శ్రమ పడకూడదనే ఇలా చేశానని, కేవలం తన మృతదేహాన్ని బండ తీసి పెడితే సరిపోతుందన్నారు. బుధవారం సమాధి వద్దకు వచ్చిన ఇంధ్రయ్య అక్కడ పెరిగిన పిచ్చిమొక్కలను తొలగించి శుభ్రం చేశారు. కాసేపు అక్కడ సేదదీరి తిరిగి ఇంటికి వెళ్లిపోయారు.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

తాజా వార్తల అప్డేట్ల కోసం Samayam Telugu ఫేస్‌బుక్ పేజీను లైక్ చెయ్యండి.

మరింత సమాచారం తెలుసుకోండి

Web Title : 75 yrs old man constructed own tomb while live in jagityal district
Telugu News from Samayam Telugu, TIL Network

Read Entire Article