జీతాలు తీసుకునే వారు అమరవీరులా.! చిచ్చురాజేసిన ‘ఆమె’ఫేస్‌బుక్‌ పోస్ట్

2 days ago 3

| Samayam Telugu | Updated: 08 Apr 2021, 02:37:00 PM

అస్సాం రచయిత్రి శిఖా శర్మ బీజేపీ వ్యతిరేక పోస్టులు పెడుతుంటారు. అప్పట్లో ఆమెకు రేప్ బెదిరింపులు కూడా వచ్చాయి. అయితే ఛత్తీస్‌గఢ్ మావోల దాడిలో చనిపోయిన జవాన్లపై ఆమె చేసిన వ్యాఖ్యలు తీవ్ర దుమారం రేపాయి.

శిఖా శర్మ (ఫైల్ ఫొటో)

ప్రధానాంశాలు:

  • జీతాలు తీసుకునే వారిని అమరులు అనొద్దు
  • ఛత్తీస్‌గఢ్ దాడిపై రచయిత్రి వివాదాస్పద పోస్ట్
  • దేశద్రోహం కేసులో అరెస్ట్
ఛత్తీస్‌గఢ్‌లో మావోయిస్టుల దాడిలో 24 మంది జవాన్లు ప్రాణాలు కోల్పోయిన ఘటన దేశవ్యాప్తంగా సంచలనం కలిగించింది. ఈ ఘటనపై అస్సాం రచయిత్రి పెట్టిన ఫేస్‌బుక్ పోస్ట్ వివాదాస్పదంగా మారింది. జీతాలు తీసుకునే వారిని అమరులు అనకూడదంటూ ఆమె చేసిన వ్యాఖ్యలు చిచ్చు రాజేశాయి. ఆమె సోషల్ మీడియా పోస్ట్‌పై తీవ్ర విమర్శలు వ్యక్తమవుతున్నాయి. బీజేపీ శ్రేణులు పోలీస్ స్టేషన్‌లో ఫిర్యాదు చేయడంతో ఆమెపై దేశద్రోహం కేసు నమోదైంది.

అసలేం జరిగిందంటే.!
ఈ నెల 3వ తేదీన ఛత్తీస్‌గఢ్‌లోని జగదల్‌పూర్ సమీపంలో మావోయిస్టుల మూకుమ్మడి దాడిలో 24 మంది జవాన్లు ప్రాణాలు కోల్పోయారు. అత్యంత భీకరంగా జరిగిన ఎదురుకాల్పుల్లో జవాన్లు నేలకొరిగారు. ఈ ఘటనలో అమరులైన జవాన్లకు దేశవ్యాప్తంగా ఘన నివాళులర్పించారు. అయితే అస్సాంకు చెందిన రచయిత్రి శిఖా శర్మ ఛత్తీస్‌గఢ్ మావోల దాడిలో చనిపోయిన జవాన్లను ఉద్దేశించి ఫేస్‌బుక్‌లో వివాదాస్పద పోస్టు పెట్టారు.

జీతాలు తీసుకునే వారు విధి నిర్వహణలో ప్రాణాలు కోల్పోతే వారిని అమరులు అనకూడదు. అలా అయితే విద్యుత్ శాఖలో పనిచేస్తున్న ఉద్యోగి విధి నిర్వహణలో మరణిస్తే.. ఆ ఉద్యోగి కూడా అమరుడే అవుతారు. మీడియా ప్రజలను భావోద్వేగాలకు గురిచేయకూడదు అంటూ ఆమె తన ఫేస్‌బుక్‌లో పోస్ట్ చేశారు. రచయిత్రి చేసిన ఆ పోస్ట్ వివాదాస్పదంగా మారింది. మావోల దాడిలో చనిపోయిన జవాన్లను అమరులు అనొద్దనడంపై తీవ్ర ఆగ్రహం వ్యక్తమైంది.

ఆమె ఫేస్‌బుక్‌పై గంటల వ్యవధిలోనే 11 వేల కామెంట్లు, సుమారు రెండు వేల వరకూ షేర్లు వచ్చాయి. పాశవిక దాడిలో చనిపోయిన జవాన్లను అమరులు అనకూడదని వ్యాఖ్యలు చేశారంటూ బీజేపీ శ్రేణులు తీవ్ర ఆగ్రహం వ్యక్తం చేశాయి. బీజేపీ కార్యకర్తలు పోలీసులకు ఫిర్యాదు చేయడంతో ఆమెపై దేశద్రోహం కేసు నమోదైంది. వాటితో పాటు పరువు నష్టం, నేరపూరిత కుట్ర తదితర అభియోగాలు నమోదయ్యాయి. ఆమెను అరెస్టు చేసి కామరూప్ మెట్రో డిస్ట్రిక్ట్ కోర్టులో హాజరుపరిచామని.. కోర్టు 14 రోజుల జుడీషియల్ రిమాండ్ విధించినట్లు తెలిపారు.

Also Read: నేను బెంగాల్ టైగర్‌ని.. చీల్చేస్తాను కానీ.! నిప్పులు చెరిగిన మమత

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

తాజా వార్తల అప్డేట్ల కోసం Samayam Telugu ఫేస్‌బుక్ పేజీను లైక్ చెయ్యండి.

మరింత సమాచారం తెలుసుకోండి

Web Title : assam writer sikha sarma controversial post on chhattisgarh attack, arrested for 'sedition'
Telugu News from Samayam Telugu, TIL Network

Read Entire Article