తిరుమల వచ్చే భక్తులకు అలర్ట్.. టీటీడీ సంచలన నిర్ణయం, ఈ నెల 12 నుంచి

2 days ago 3

| Samayam Telugu | Updated: 08 Apr 2021, 06:59:00 AM

ఆదివారం (11–04–2021) సాయంత్రం వరకు మాత్రమే టోకెన్లు జారీ చేయనున్నట్లు ప్రకటించారు. కరోనా వ్యాప్తి చెందే ప్రమాదమున్న పరిస్థితుల్లో ఈ నిర్ణయం తీసుకున్నట్లు టీటీడీ తెలిపింది.

తిరుమల

ప్రధానాంశాలు:

  • శ్రీవారి భక్తులకు అలర్ట్.. టీటీడీ సంచలన నిర్ణయం
  • ఈ నెల 12 నుంచి సర్వదర్శనం టోకెన్లు నిలిపివేత
  • ఈ నెల 11 సాయంత్రం వరకు మాత్రమే టోకెన్లు
తిరుమలకు వచ్చే భక్తులకు అలర్ట్.. దేశంలో కరోనా వ్యాప్తి, కేసుల సంఖ్య పెరుగుతుండటంతో టీటీడీ సంచలన నిర్ణయం తీసుకుంది. తిరుమల శ్రీవారి దర్శనం కోసం జారీ చేసే సర్వదర్శనం టైంస్లాట్‌ (ఎస్‌ఎస్‌డీ) టోకెన్ల జారీని ఈ నెల 12 నుంచి నిలిపివేస్తున్నట్లు తెలిపింది. ఆదివారం (11–04–2021) సాయంత్రం వరకు మాత్రమే టోకెన్లు జారీ చేయనున్నట్లు ప్రకటించారు. తిరుపతిలో కూడా కరోనా కేసులు క్రమేణా పెరుగుతున్నాయి.. అందుకే నగరంలోని భూదేవి కాంప్లెక్స్, విష్ణునివాసంలో సర్వదర్శన టైంస్లాట్‌ టోకెన్ల కోసం వేల సంఖ్యలో భక్తులు క్యూల్లో వేచి ఉంటున్నారు. అక్కడ కరోనా వ్యాప్తి చెందే ప్రమాదమున్న పరిస్థితుల్లో ఈ నిర్ణయం తీసుకున్నట్లు టీటీడీ తెలిపింది.

భక్తుల ఆరోగ్య భద్రత దృష్ట్యా తీసుకున్న ఈ నిర్ణయాన్ని గమనించాలని టీటీడీ విజ్ఞప్తి చేసింది తిరిగి సర్వదర్శనం టోకెన్ల ఎప్పుడు జారీ చేసేది ముందుగానే తెలియజేస్తామంటోంది. సర్వదర్శనం టోకెన్ల సంగతి అలా ఉంటే. తిరుమల శ్రీవేంకటేశ్వర స్వామి వారి ఆర్జిత సేవలకు ఏప్రిల్ 14 నుంచి భక్తులను అనుమతించే నిర్ణయాన్ని టీటీడీ మరోసారి వాయిదా వేసింది. దేశవ్యాప్తంగా కోవిడ్ కేసులు పెరుగుతుండటంతో భక్తుల ఆరోగ్య భద్రత దృష్ట్యా ఈ నిర్ణయం తీసుకున్నట్టు తెలిపింది. పరిస్థితులు చక్కబడ్డాక ఆర్జిత సేవలకు గృహస్తులను అనుమతించే విషయం ముందుగా ప్రకటన విడుదల చేస్తామంటోంది. గతేడాది మార్చి 20 నుంచి శ్రీవారి ఆర్జిత సేవలకు భక్తులను అనుమతించడం లేదు.

కరోనా కారణంగా ఆగిపోయిన ఆర్జిత సేవలు తిరిగి ప్రారంభించాలని టీటీడీ నిర్ణయించింది. ఉగాది నుంచి ఆర్జిత సేవలైన సుప్రభాతం, తోమాల, అర్చన తిరుప్పావడ, అష్టదళ పాదపద్మారాధన, అభిషేక సేవల్లో భక్తులకు అనుమతించనున్నట్టు తొలుత ప్రకటించింది. ఈ మేరకు ఏప్రిల్‌ 14 నుంచి శ్రీవారి ఆర్జిత సేవల్లో భక్తులు పాల్గొనేందుకు అనుమతిచ్చింది. కానీ, దేశంలో మరోసారి మహమ్మారి విజృంభించడంతో టీటీడీ పునరాలోచించి తన నిర్ణయాన్ని రద్దుచేసింది. ఏడాది నుంచి స్వామివారికి సేవలన్నీ ఏకాంతంగానే నిర్వహిస్తున్నారు.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

తాజా వార్తల అప్డేట్ల కోసం Samayam Telugu ఫేస్‌బుక్ పేజీను లైక్ చెయ్యండి.

మరింత సమాచారం తెలుసుకోండి

Web Title : ttd stops issuing sarva darshan tokens from april 12th
Telugu News from Samayam Telugu, TIL Network

Read Entire Article