దిగొచ్చిన బంగారం ధర.. నెల గరిష్టం నుంచి పడిపోయిన పసిడి.. లేటెస్ట్ రేట్లు ఇలా!

2 days ago 3

| Samayam Telugu | Updated: 08 Apr 2021, 04:24:00 PM

బంగారం ధర పడిపోయింది. పసిడి రేటు బాటలోనే వెండి కూడా నడిచింది. బంగారం, వెండి ధరలు దిగిరావడం పసిడి ప్రేమికులకు ఊరట కలిగించే అంశమని చెప్పుకోవచ్చు. నిన్న బంగారం నెల గరిష్టానికి చేరిన విషయం తెలిసిందే.

gold price

ప్రధానాంశాలు:

  • బంగారం ధర వెలవెల
  • వెండి కూడా డౌన్
  • నెల గరిష్టం నుంచి కిందకు
బంగారం ధర వెలవెలబోయింది. పసిడి నేలచూపులు చూస్తోంది. బంగారం ధర దిగొచ్చింది. పసిడి ప్రేమికులకు ఇది ఊరట కలిగించే అంశమని చెప్పుకోవచ్చు. బంగారం ధర దిగివస్తే.. వెండి రేటు కూడా ఇదే దారిలో పయనించింది. వెండి కూడా పడిపోయింది.

ఎంసీఎక్స్ మార్కెట్‌లో బంగారం ధర గురువారం తగ్గింది. గోల్డ్ ఫ్యూచర్స్ ధర 0.1 శాతం తగ్గుదలతో 10 గ్రాములకు రూ.46,320కు దిగొచ్చింది. నిన్న నెల గరిష్టానికి చేరిన బంగారం ధర ఈరోజు తగ్గడం గమనార్హం. పసిడి రేటు నిన్న రూ.46,400కు చేరింది.

Also Read: రూ.2,800తో రూ.14 లక్షలు అందించే అద్భుతమైన పోస్టల్ స్కీమ్ ఇదే.. మీరూ తెలుసుకోండి!

బంగారం ధర బాటలోనే వెండి రేటు కూడా నడిచింది. వెండి రేటు కూడా వెలవెలబోయింది. వెండి ఫ్యూచర్స్ ధర 0.34 శాతం దిగొచ్చింది. వెండి ధర కేజీకి రూ.66,405కు పడిపోయింది. గత సెషన్‌లో బంగారం ధర 0.9 శాతం పెరిగింది. వెండి ధర 1.1 శాతం పైకి కదిలింది.

Also Read: బైక్ కొంటే రూ.50 వేల తగ్గింపు.. ఈ మెగా ఆఫర్ కొద్ది రోజులే!

బంగారం ధరకు రూ.47,080 వద్ద నిరోధం ఉందని ప్రముఖ బ్రోకరేజ్ సంస్థ జియోజిత్ తెలిపింది. అలాగే రూ.44,600 వద్ద మద్దతు ఉందని పేర్కొంది. బుధవారం రూపాయి భారీగా క్షీణించింది. రెండేళ్లలో రూపాయి ఈ స్థాయిలో పడిపోవడం ఇదే ప్రథమం. ప్రస్తుత త్రైమాసికంలో రూ.లక్ష కోట్ల విలువైన ప్రభుత్వ బాండ్లు కొనుగోలు చేస్తామని ఆర్‌బీఐ ప్రకటించడం ఇందుకు కారణం. భారత్ ఎక్కువగా బంగారాన్ని దిగుమతి చేసుకుంటున్న విషయం తెలిసిందే.

మరోవైపు అంతర్జాతీయ మార్కెట్‌లో బంగారం ధరలు నిలకడగానే ఉన్నాయి. ఔన్స్‌కు 1737 డాలర్ల వద్ద కొనసాగుతోంది. అంతర్జాతీయ మార్కెట్‌లో బంగారానికి 1760 వద్ద నిరోధం ఉందని జియోజిత్ తెలిపింది. అలాగే 1680 డాలర్ల వద్ద మద్దతు లభిస్తోందని పేర్కొంది.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

తాజా వార్తల అప్డేట్ల కోసం Samayam Telugu ఫేస్‌బుక్ పేజీను లైక్ చెయ్యండి.

మరింత సమాచారం తెలుసుకోండి

Web Title : gold rates today fall a day after surging to 1 month high silver rates down
Telugu News from Samayam Telugu, TIL Network

Read Entire Article