దొరికిపోయిన దేవి శ్రీ.. ‘పుష్ప’ బ్యాక్‌గ్రౌండ్ మ్యూజిక్‌ని అక్కడి నుంచి ఎత్తేశాడా..?

2 days ago 4

| Samayam Telugu | Updated: 08 Apr 2021, 04:57:00 PM

అల్లు అర్జున్, సుకుమార్ కాంబినేషన్‌లో తెరకెక్కుతున్న హ్యాట్రిక్ చిత్రం ‘పుష్ప’. అల్లు అర్జున్ పుట్టిన రోజు సందర్భంగా బుధవారం ఈ సినిమా టీజర్‌ని చిత్ర యూనిట్ విడుదల చేశారు. అయితే ఈ టీజర్‌లో దేవి శ్రీ ప్రసాద్ అందించిన సంగీతం కాపీ అంటూ.. సోషల్‌మీడియాలో చర్చ జరుగుతోంది.

దొరికిపోయిన దేవి శ్రీ.. ‘పుష్ప’ బ్యాక్‌గ్రౌండ్ మ్యూజిక్‌ని అక్కడి నుంచి ఎత్తేశాడా..?

తెలుగు ఇండస్ట్రీలో హిట్ కాంబినేషన్‌లలో అల్లు అర్జున్, సుకుమార్‌ల కాంబినేషన్ ఒకటి. ఇప్పటికే వీరిద్దరి కాంబోలో తెరకెక్కిన ‘ఆర్య’, ‘ఆర్య-2’ సూపర్ హిట్ అయ్యాయి. దీంతో ముచ్చటగా మూడోసారి వీరిద్దరు ‘పుష్ప’ అనే సినిమాతో ప్రేక్షకుల ముందుకు వస్తున్నారు. ఈ సినిమాలో అల్లు అర్జున్ ఎర్ర చందనం స్మగ్లర్‌‌గా మాస్ పాత్రలో కనిపించనున్నాడు. తాజాగా ఏప్రిల్ 8న అల్లు అర్జున్ పుట్టిన రోజు సందర్భంగా ఈ సినిమా టీజర్‌ని విడుదల చేశాడు. ఈ టీజర్‌లో విజువల్స్‌తో పాటు.. యాక్షన్.. బ్యాక్‌గ్రాండ్ మ్యూజిక్ ప్రేక్షకులను విశేషంగా ఆకట్టుకున్నాయి. ముఖ్యంగా టీజర్‌లో అల్లు అర్జున్ చెప్పిన ‘తగ్గేదే లే’ అనే డైలాగ్ స్పెషల్ అట్రాక్షన్‌గా నిలిచింది. ప్రస్తుతం ఈ టీజర్ య్యూట్యూబ్‌లో ట్రెండింగ్‌లోనూ ఉంది. అయితే ఇక్కడే అసలు సమస్య మొదలైంది. టీజర్ మొత్తానికి దేవి శ్రీ ప్రసాద్ అందించిన మ్యూజిక్కే హైలైట్. అయితే గత కొంతకాలంగా మ్యూజిక్ డైరెక్టర్లు ఇస్తున్న మ్యూజిక్ వాళ్లు సొంతంగా కంపోజ్ చేసిందేనా.. లేక ఎక్కడి నుంచి అయినా కాపీకొట్టారా అని వెతకడం ప్రారంభించారు నెటిజన్లు. ముఖ్యంగా లాక్‌డౌన్ సమయంలో ఇది ఇంకా ఎక్కువైంది. ఇప్పుడు సరిగ్గా ఇలాంటి ఉచ్చులోనే దేవి శ్రీ ప్రసాద్ చిక్కుకున్నాడు.

పుష్ప టీజర్‌తో పాటు.. అంతకు ముందుకు విడుదల చేసి ప్రిల్యూడ్‌లో దేవిశ్రీ అందించిన మ్యూజిక్ కాపీ అని నెటిజన్లు అంటున్నారు. హాలీవుడ్ చిత్రం అవెంజర్స్ ఎండ్ గేమ్ సినిమాలో ఓ సందర్భంలో వచ్చే బీజీఎమ్‌కి కాస్త మెరుగులు దిద్ది దేవీ.. పుష్ప బీజీఎమ్‌గా కొట్టేశాడని.. కొందరు అంటుండగా.. మరికొందరేమో.. దీనితో ఏకీభవించడం లేదు.

సుకుమార్ దర్శకత్వంతో మాస్ ఎంటర్‌టైనర్‌గా తెరకెక్కుతున్న ఈ సినిమాని మైత్రీ మూవీ మేకర్స్ బ్యానర్‌పై నిర్మిస్తున్నారు. ఈ సినిమాలో రష్మిక మందన్న హీరోయిన్‌గా నటిస్తుండగా.. ఫహాద్ ఫాజిల్ ప్రతినాయకుడి పాత్రలో నటిస్తున్నాడు. తెలుగు, తమిళం, మలయాళం, కన్నడ, హిందీ భాషల్లో ఈ సినిమా జూన్ 13వ తేదీన ప్రపంచవ్యాప్తంగా విడుదల కానుంది.


Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

తాజా వార్తల అప్డేట్ల కోసం Samayam Telugu ఫేస్‌బుక్ పేజీను లైక్ చెయ్యండి.

మరింత సమాచారం తెలుసుకోండి

Web Title : did devi sri prasad copied pushpa bgm from avengers movie
Telugu News from Samayam Telugu, TIL Network

Read Entire Article