‘ప్రభుత్వాన్ని కూల్చేందుకు మురికి రాజకీయాలు.. ఆ ప్రయత్నాలు ఫలించవు’

2 days ago 3

| Samayam Telugu | Updated: 08 Apr 2021, 03:34:00 PM

Munsukh Hiren కేసులో ప్రధాన నిందితుడు సచిన్‌ వాజే న్యాయస్థానానికి ఓ లేఖ ఇవ్వబోవడం.. ఆ లేఖలో మరికొందరు రాజకీయ ప్రముఖుల పేర్లను కీలకంగా ప్రస్తావించడంతో ఇప్పుడు హాట్‌టాపిక్‌గా మారింది.

సంజయ్ రౌత్

ప్రధానాంశాలు:

  • రాజకీయ వివాదానికి కేంద్రంగా అంబానీ కేసు.
  • మహారాష్ట్ర ప్రభుత్వంపై బీజేపీ ఎదురుదాడి.
  • సచిన్ వాజే లేఖపై సంజయ్ రౌత్ కీలక వ్యాఖ్యలు.
రిలయన్స్ అధినేత అంబానీకి బెదిరింపులు, వ్యాపారవేత్త మన్‌సుఖ్‌ హిరేన్‌ హత్య కేసు మహారాష్ట్ర పోలీసుశాఖకు అపకీర్తి తీసుకురాగా.. రాజకీయంగానూ ప్రకపంలు రేపుతోంది. హిరేన్ మన్‌సుఖ్ హత్య కేసులో అరెస్టయిన సచిన్‌ వాజే ఎన్‌ఐఏకు రాసిన లేఖ సంచలనం సృష్టించింది. ఇందులో మాజీ హోం మంత్రి అనిల్‌ దేశ్‌ముఖ్‌ సహా మరో ఇద్దరు మంత్రులు అనిల్‌ పరాబ్‌ (శివసేన), అజిత్ పవార్‌ అంతరంగికుడి పేర్లను ప్రస్తావించారు. సచిన్ వాజే లేఖపై, శివసేన సీనియర్ నేత సంజయ్‌ రౌత్‌ తాజాగా స్పందించారు.

గురువారం ఆయన మీడియాతో మాట్లాడుతూ.. తమ ప్రభుత్వాన్ని కూలదోయడానికి నీచ రాజకీయాలకు పాల్పడుతున్నారని మండిపడ్డ సంజయ్.. అటువంటి వారి ప్రయత్నాలు ఫలించవని స్పష్టం చేశారు. అనిల్ పరాబ్‌పై వాజే చేసిన ఆరోపణలు తోసిపుచ్చారు. ఈ ఆరోపణలపై ఎటువంటి విచారణకైనా పరాబ్ సిద్ధమేనని సవాల్ చేశారు. శివసేన సుప్రీం బాలాసాహెబ్ బాల్ ఠాక్రే పేరుతో ప్రమాణం చేసిన ఆయన ఎటువంటి తప్పుచేయరని వ్యాఖ్యానించారు. జైల్లో ఉన్న నిందితులు లేఖలు రాయడం కొత్త ట్రెండ్ మొదలైదంటూ ఎద్దేవా చేశారు.

‘దర్యాప్తు సంస్థలు, రాజకీయ పార్టీల ఐటీ విభాగాలను ఉపయోగించి పరువుపొగొట్టే చర్యలకు పాల్పడటం.. జైలులో ఉన్న నిందితుల లేఖలు రాయడం వంటి నీచ రాజకీయాలను దేశం గతంలో ఎన్నడూ చూడలేదు’ అని సంజయ్ మండిపడ్డారు. మహావికాస్ అఘాడీ ప్రభుత్వాన్ని అస్థిరపరచడానికి, కూలదోయడానికి చేస్తున్న ప్రయత్నాలు ఏవీ విజయవంతం కాబోవని రౌత్ పునరుద్ఘాటించారు.

‘అనిల్ పరాబ్ ఏంటో నాకు తెలుసు.. విధేయుడైన శివ సైనికుడు.. బాలాసాహెబ్ ఠాక్రే పేరుతో ప్రమాణం చేసిన ఆయన తప్పుడు పనులు ఎప్పుడూ చేయరు’ అని రౌత్ వ్యాఖ్యానించారు. సచిన్‌ వాజే నియామకం తొలి నుంచీ రాజకీయ వివాదానికి దారితీసింది. కరోనా సమయంలో పోలీసు బలగాలు అవసరం కావడంతో సస్పెన్షన్‌లో ఉన్నవారిని విధుల్లోకి తీసుకోవాలనే నిర్ణయం వాజేకు కలిసొచ్చింది. వాజేను తీసుకోవడంలో నాటి సీపీ పరమ్‌బీర్‌ సింగ్‌ పాత్ర చాలా ఉంది.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

తాజా వార్తల అప్డేట్ల కోసం Samayam Telugu ఫేస్‌బుక్ పేజీను లైక్ చెయ్యండి.

మరింత సమాచారం తెలుసుకోండి

Web Title : dirty politics on to destabilise maharashtra govt says sanjay raut
Telugu News from Samayam Telugu, TIL Network

Read Entire Article