మహిళల డ్రస్సుల వల్లే ఉద్రేకంతో అత్యాచారాలు.. నోరుజారిన పాక్ ప్రధాని!

2 days ago 6

| Samayam Telugu | Updated: 08 Apr 2021, 12:37:00 PM

కరోనా వైరస్ నియంత్రణలో ఘోరంగా విఫలమై తీవ్ర విమర్శలను ఎదుర్కొంటున్న పాకిస్థాన్ ప్రధాని ఇమ్రాన్ ఖాన్.. మహిళలపై అత్యాచారాల విషయంలో నోరుజారి విమర్శలను ఎదుర్కొంటున్నారు.

ఇమ్రాన్ ఖాన్

ప్రధానాంశాలు:

  • సమాజంలో అత్యాచార ఘటనలపై నోరుజారినప్రధాని.
  • ఉద్రేకపూరిత వస్త్రాలకు దూరంగా ఉండాలని సూచన.
  • ఢిల్లీని రేప్‌ల రాజధానిగా పేరు తెచ్చుకుందని వ్యాఖ్య.
దేశంలో ఆత్యాచార ఘటనలు పెరిగిపోవడానికి మహిళల వస్త్రధారణే కారణమని పాకిస్థాన్ ప్రధాని ఇమ్రాన్ ఖాన్ నోరుపారేసుకున్నారు. పాక్ ప్రధాని వ్యాఖ్యలపై తీవ్ర దుమారం రేగుతోంది. ఆయన మాజీ భార్య సహా పలువురు తీవ్ర విమర్శలు గుప్పించారు. వారాంతంలో లైవ్ టెలివిజన్‌కు ఇచ్చిన ఇంటర్వ్యూలో ఇమ్రాన్ మాట్లాడుతూ.. అత్యాచారాల పెరుగుదల అశ్లీలత, అసభ్యత పెరుగుతున్న ఏ సమాజంలోనైనా పరిణామాలను సూచిస్తుంది అని అన్నారు.

*సమాజంలో మహిళలపై అత్యాచార ఘటనల పెరుగుదల చాలా వేగంగా ఉంది.. ఉద్రేకానికి తావిచ్చేలా వస్త్రధారణ ఉండొద్దని సలహా ఇస్తున్నాను.. పర్దా ఈ మొత్తం భావన ఉద్రేకానికి దూరంగా ఉండటమే.. దానిని నివారించడానికి ప్రతి ఒక్కరికీ సంకల్ప శక్తి లేదు... నిరాడంబరమైన డ్రెస్సింగ్ లేదా స్త్రీ పురుష మధ్య విభజన అనే పదాలను వాడుతారు’ అని అన్నారు.

ఈ వ్యాఖ్యలపై ఇమ్రాన్ మాజీ భార్య జెమిమా గోల్డ్‌స్మిత్ తీవ్రంగా మండిపడ్డారు. ‘కళ్లను నిరోధించి, ప్రైవేట్ భాగాలను కాపాడే బాధ్యత పురుషులపై ఉంది.. ఖురాన్ 24: 31 ఇదే చెబుతుంది.. ఈ వ్యాఖ్య నమ్మేవారికి చెప్పండి’అంటూ ట్విట్టర్‌లో కౌంటర్ ఇచ్చారు. జెమిమా ట్వీట్‌కు వేలాది షేర్‌లు రాగా.. పాక్ ప్రధాని వ్యాఖ్యలను ఖండిస్తున్నారు.

‘ఇది తప్పుడు వ్యాఖ్య / తప్పు అనువాదం అని నేను ఆశిస్తున్నాను.. ఇమ్రాన్.. ముసుగులు మహిళలకు కాదు.. పురుషుడి కళ్లకు వేయండి’అని అన్నారు. పాక్ ప్రధాని వ్యాఖ్యలపై దేశంలో హక్కుల సంఘాలు తీవ్రంగా మండిపడుతున్నాయి. ఆన్‌లైన్‌లో వ్యాఖ్యలకు వ్యతిరేకంగా ఓ క్యాంపెయిన్ చేపట్టారు. ఇవి వాస్తవ విరుద్ధమైనవని, సమాజానికి ప్రమాదకారని దుయ్యబడుతున్నారు.

‘లోపం కేవలం రేపిస్ట్, వారిని ప్రోత్సహించే వ్యవస్థలోనే ఉంటుంది.. ఆయన చేసిన ప్రకటన వంటి సంస్కృతి సహా’ అని హక్కుల సంఘాలు ఓ ప్రకటన చేశాయి. పాక్ మానవ హక్కుల కమిషన్ కూడా దీనిని ఖండించింది. ఇది భయంకరమైందని వ్యాఖ్యానించింది. పాక్ ప్రధాని తన ఇంటర్వ్యూలో భారత్ గురించి వ్యాఖ్యలు చేశారు. ఢిల్లీని అత్యాచార రాజధాని అని పిలుస్తారని, హాలీవుడ్ సంస్కృతిని అవలంభిస్తోన్న బాలీవుడ్‌లోనూ అదే పరిస్థితి అభివృద్ధి చెందిందని అన్నారు.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

తాజా వార్తల అప్డేట్ల కోసం Samayam Telugu ఫేస్‌బుక్ పేజీను లైక్ చెయ్యండి.

మరింత సమాచారం తెలుసుకోండి

Web Title : pakistan pm imran khan slammed by his ex wife over comments on women dressing
Telugu News from Samayam Telugu, TIL Network

Read Entire Article