సంచిలో బాలిక కిడ్నాప్ యత్నం: అసలు విషయం ఇదీ.. తేల్చేసిన పోలీసులు, పాపం ఊరికే చితక్కొట్టారు!

2 days ago 5

| Samayam Telugu | Updated: 08 Apr 2021, 05:17:00 PM

Nizamabad: బాలికను కిడ్నాప్‌ చేసేందుకు యత్నించినట్లు అనుమానించిన స్థానికులు.. ఒకరిని పట్టుకుని దేహశుద్ధి చేశారు. పోలీసులు వచ్చి సీసీటీవీ ఫుటేజీలు పరిశీలించి కిడ్నాప్‌ యత్నం జరగలేదని తేల్చారు.

స్థానికులు నిందితుడిగా అనుమానించిన వ్యక్తి

ప్రధానాంశాలు:

  • నిజామాబాద్‌ జిల్లాలో బాలిక కిడ్నాప్ యత్నం
  • అనుమానించి వ్యక్తిని చితక్కొట్టిన స్థానికులు
  • అది నిజం కాదని తేల్చిన పోలీసులు
నిజామాబాద్ జిల్లా వేల్పూర్ మండలంలోని నడ్కుడ గ్రామంలో బుధవారం ఓ చిన్న పాపను ఓ వ్యక్తి కిడ్నాప్‌కు యత్నించాడని వార్తలు వచ్చిన సంగతి తెలిసిందే. సంచిలో దాచిన ఆ పాప కింద పడిపోవడంతో స్థానికులు గుర్తించి అతడికి దేహశుద్ది చేశారు. అయితే, ఈ వ్యవహారాన్ని పోలీసులు చేధించారు. అసలు ఆ వ్యక్తి కిడ్నాప్ చేయలేదని ద్రువీకరించారు.

బాలికను కిడ్నాప్‌ చేసేందుకు యత్నించినట్లు అనుమానించిన స్థానికులు.. ఒకరిని పట్టుకుని దేహశుద్ధి చేశారు. పోలీసులు వచ్చి సీసీటీవీ ఫుటేజీలు పరిశీలించి కిడ్నాప్‌ యత్నం జరగలేదని తేల్చారు. బాలిక డ్రెస్‌ పొరపాటున బైక్‌కు తట్టుకుందని అలా కొద్దిదూరం ఈడ్చుకుంటూ వెళ్లిందని స్పష్టం చేశారు.

అసలేం జరిగిందంటే..
జుక్కల్‌ ప్రాంతానికి చెందిన అశోక్, రేఖ దంపతులు రెండు నెలల క్రితం నడ్కుడకు వచ్చి కూలీ పని చేసుకుంటూ జీవనం సాగిస్తున్నారు. వారి నాలుగేళ్ల కూతురు శ్రావణి బుధవారం సాయంత్రం ఇంటి నుంచి దుకాణానికి వెళ్లే క్రమంలో రోడ్డు దాటుతోంది. అదే సమయంలో నిజామాబాద్‌కు చెందిన షేక్‌ రెహమాన్‌ భీమ్‌గల్‌లో ఉండే అత్తగారింటికి ద్విచక్ర వాహనంపై నడ్కుడ మీదుగా వెళ్తుండగా.. అతడి బైక్‌ శ్రావణి డ్రెస్సుకు తట్టుకుని కొద్ది దూరం ఈడ్చుకుంటూ వెళ్లింది. అక్కడే ఉన్న స్థానికులు బాలికను కిడ్నాప్‌ చేసి, సంచిలో వేసుకుని వెళ్తుండగా జారి పడిందని అనుమానించారు.

దీంతో స్థానికులు వందల మంది అక్కడకు వచ్చి రెహమాన్‌ను గ్రామపంచాయతీ వద్దకు తీసుకెళ్లి చితక్కొట్టారు. అయితే, ఈ విషయం తెలిసి పోలీసులు హుటాహుటిన గ్రామానికి చేరుకొని విచారణ జరిపారు. బాలికతో పాటు ఆమె వెంట ఉన్న బాలుడ్ని వివరాలు అడిగి తెలుసుకున్నారు. గ్రామంలో ఉన్న సీసీటీవీ ఫుటేజీలు పరిశీలించగా.. బాలిక కిడ్నాప్‌ కాలేదని, డ్రెస్‌ తట్టుకుని పడిపోయిందని పోలీసులు తెలిపారు.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

తాజా వార్తల అప్డేట్ల కోసం Samayam Telugu ఫేస్‌బుక్ పేజీను లైక్ చెయ్యండి.

మరింత సమాచారం తెలుసుకోండి

Web Title : nizamabad police confirms girl did not kidnapped by man in velpur mandal
Telugu News from Samayam Telugu, TIL Network

Read Entire Article