Akkineni Akhil: 'ఏజెంట్' ఫస్ట్ లుక్.. స్టన్నింగ్ పోస్టర్ రిలీజ్.. అక్కినేని వారబ్బాయి గేరు మార్చేశాడే!

2 days ago 5

| Samayam Telugu | Updated: 08 Apr 2021, 10:00:00 AM

కెరీర్‌లో ఎలాగైనా టర్నింగ్ తీసుకోవాలని గట్టి ప్రయత్నాలు చేస్తున్న యంగ్ హీరో అక్కినేని అఖిల్.. టాలెంటెడ్ డైరెక్టర్ సురేందర్ రెడ్డితో కమిటయ్యారు. తాజాగా ఈ ఇద్దరి కాంబోలో రాబోతున్న కొత్త సినిమా ఫస్ట్ లుక్ రిలీజ్ అయింది.

Akkineni Akhil: 'ఏజెంట్' ఫస్ట్ లుక్..

ప్రధానాంశాలు:

  • అఖిల్- సురేందర్ రెడ్డి కాంబోలో సినిమా
  • 'ఏజెంట్' అంటూ డిఫరెంట్ రోల్‌లో అక్కినేని హీరో
  • ఫస్ట్ లుక్ రిలీజ్ చేసిన మేకర్స్
అక్కినేని వారసుడిగా సినీ గడప తొక్కిన యంగ్ హీరో అక్కినేని అఖిల్ సరైన హిట్ కోసం తాపత్రయపడుతున్నారు. అంతకుముందు చేసిన ''అఖిల్, హలో, మిస్టర్ మజ్ను'' సినిమాలు ఆశించిన పేరు తెచ్చిపెట్టకపోవడంతో ఎలాగైనా తనను తాను ప్రూవ్ చేసుకోవాలని గట్టిగా ప్రయత్నాలు చేస్తున్నారు. ఈ క్రమంలోనే డిఫరెంట్ మూవీస్ సెలక్ట్ చేసుకుంటున్న ఆయన ప్రస్తుతం 'మోస్ట్ ఎలిజిబుల్ బ్యాచిలర్' సినిమాతో బిజీగా ఉన్నారు. పూజా హెగ్డే హీరోయిన్‌గా నటించిన ఈ సినిమా జూన్ 19న విడుదలకు సిద్దమవగా.. మరో వైవిధ్యభరితమైన కథాంశాన్ని లైన్‌లో పెట్టారు అఖిల్.

టాలెంటెడ్ డైరెక్టర్, మెగాస్టార్ చిరంజీవితో ఇటీవలే 'సైరా నరసింహా రెడ్డి' సినిమా రూపొందించి సక్సెస్ అందుకున్న సురేందర్ రెడ్డి దర్శకత్వంలో అఖిల్ తదుపరి సినిమా ఉండబోతోంది. ఈ రోజు (ఏప్రిల్ 8) అక్కినేని వారబ్బాయి పుట్టిన రోజు సందర్భంగా ఈ మూవీ టైటిల్ రివీల్ చేస్తూ ఫస్ట్ లుక్ రిలీజ్ చేశారు మేకర్స్. 'ఏజెంట్' అనే పవర్‌ఫుల్ టైటిల్ ఫిక్స్ చేసి అఖిల్ స్టన్నింగ్ లుక్ బయటపెట్టారు. ఈ లుక్ చూసిన అక్కినేని ఫ్యాన్స్ ఈ మూవీతో అఖిల్ గేరు మార్చేయబోతున్నారని, ఫస్ట్ లుక్ తోనే భారీ అంచనాలు క్రియేట్ చేసుకున్నారని అంటున్నారు.
Allu Arjun Birthday: మెగా కాంపౌండ్ హీరోగా ఎంట్రీ.. స్టైలిష్‌గా అట్రాక్ట్ చేస్తూనే ఐకాన్ అయ్యారిలా!!
ఏకే ఎంటర్టైన్మెంట్స్ బ్యానర్, సురేందర్ సినిమా సంయుక్త సమర్పణలో ఈ 'ఏజెంట్' మూవీ రూపొందనుంది. మునుపెన్నడూ చూడని విభిన్నమైన కథ, యాక్షన్‌ థ్రిల్లర్‌ కథాంశంతో ఈ సినిమాను తెరకెక్కించనున్నారట. సినిమాలో అఖిల్‌ని ఓ సీక్రెట్ ఏజెంట్‌గా సరికొత్త పాత్రలో చూపించబోతున్నారని తెలుస్తోంది. హీరోయిన్, ఇతర నటీనటుల వివరాలు అతిత్వరలో ప్రకటించనున్నారు. ఇకపోతే ఈ చిత్రాన్ని డిసెంబర్ 24వ తేదీన విడుదల చేయబోతున్నట్లు ఫస్ట్ లుక్ లోనే ప్రకటించడం విశేషం.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

తాజా వార్తల అప్డేట్ల కోసం Samayam Telugu ఫేస్‌బుక్ పేజీను లైక్ చెయ్యండి.

మరింత సమాచారం తెలుసుకోండి

Web Title : akkineni akhil's agent first look released
Telugu News from Samayam Telugu, TIL Network

Read Entire Article