Chris Gayle మూన్‌వాక్ స్టెప్‌లు.. మైకేల్ జాక్సన్‌ని తలపించాడు

2 days ago 4

| Samayam Telugu | Updated: 08 Apr 2021, 09:41:00 AM

ఐపీఎల్ 2020 సీజన్‌లో క్రిస్‌గేల్‌ని సగం మ్యాచ్‌ల్లో రిజర్వ్ బెంచ్‌కే పంజాబ్ కింగ్స్ టీమ్ పరిమితం చేసింది. అయితే.. సీజన్ మధ్యలో నుంచి అతడ్ని నెం.3లో ఆడించగా..?

Chris Gayle Moonwalk (Pic Credit: instagram)

ప్రధానాంశాలు:

  • ఏప్రిల్ 9 నుంచి మే 30 వరకూ ఐపీఎల్ 2021 సీజన్ మ్యాచ్‌లు
  • పంజాబ్ కింగ్స్ టీమ్‌తో చేరిన క్రిస్‌గేల్
  • 7 రోజుల క్వారంటైన్‌ పూర్తి.. సంతోషంతో గేల్ డ్యాన్స్
  • మైకేల్ జాక్సన్ తరహాలో మూన్‌వాక్ చేసిన గేల్
ఐపీఎల్ 2021 సీజన్ ముంగిట పంజాబ్ కింగ్స్ స్టార్ క్రికెటర్ క్రిస్‌గేల్ తెగ ఉత్సాహంగా కనిపిస్తున్నాడు. ఏప్రిల్ 9 నుంచి మే 30 వరకూ ఐపీఎల్ 2021 సీజన్ మ్యాచ్‌లు జరగనుండగా.. ఇప్పటికే పంజాబ్ కింగ్స్‌ క్యాంప్‌లో చేరిన క్రిస్‌గేల్.. తాజాగా 7 రోజుల క్వారంటైన్‌ని విజయవంతంగా పూర్తి చేసుకున్నాడు. దాంతో.. తన ఆనందాన్ని డ్యాన్స్ రూపంలో క్రిస్‌గేల్ ప్రదర్శించాడు.

మైకేల్ జాక్సన్ ‘స్మూత్ క్రిమినల్’సాంగ్‌కి అతని తరహాలోనే డ్యాన్స్ చేసిన క్రిస్‌గేల్ అందర్నీ ఆశ్చర్యపరిచాడు. వాస్తవానికి క్రిస్‌గేల్ చాలా పాటలకి డ్యాన్స్ వేస్తూ ఇప్పటికే కనిపించాడు. గతంలో రాయల్ ఛాలెంజర్స్ బెంగళూరు టీమ్‌కి ఆడే సమయంలో కెప్టెన్ విరాట్ కోహ్లీతో కలిసి పంజాబీ పాటలకి డ్యాన్స్ వేసిన క్రిస్‌గేల్.. పబ్‌లలో, టీమ్ పార్టీలలో కాలు కదిపి అభిమానుల్ని అలరించాడు. కానీ.. తాజాగా మైకేల్ జాక్సన్ ‘మూన్‌వాక్’స్టెప్‌ని క్రిస్‌గేల్ అలవోకగా వేయడం ఇప్పుడు అందర్నీ ఆశ్చర్యపరుస్తోంది.


ఐపీఎల్ 2020 సీజన్‌లో క్రిస్‌గేల్‌కి ఎక్కువ మ్యాచ్‌ల్లో పంజాబ్ కింగ్స్ టీమ్ అవకాశమివ్వలేదు. కేవలం 7 మ్యాచ్‌లు మాత్రమే ఆడిన క్రిస్‌గేల్ 137.14 స్ట్రైక్‌రేట్‌తో 288 పరుగులు చేశాడు. సీజన్ ఆరంభంలో పంజాబ్ ఓపెనర్లుగా కేఎల్ రాహుల్, మయాంక్ అగర్వాల్ ఆడగా.. మధ్యలోగానీ క్రిస్‌గేల్‌కి అవకాశం దక్కలేదు. అదీ నెం.3లో అతనికి పంజాబ్ ఛాన్స్ ఇస్తూ వచ్చింది. అయినప్పటికీ అతను గెలిపించే ఇన్నింగ్స్‌లు ఆడాడు. మరి ఈ ఏడాది అతడ్ని ఏ స్థానంలో బ్యాటింగ్‌కి పంపిస్తారో..? చూడాలి. ఏప్రిల్ 12న రాజస్థాన్ రాయల్స్‌తో వాంఖడే స్టేడియం వేదికగా పంజాబ్ కింగ్స్ తన మొదటి మ్యాచ్‌ని ఆడనుంది.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

తాజా వార్తల అప్డేట్ల కోసం Samayam Telugu ఫేస్‌బుక్ పేజీను లైక్ చెయ్యండి.

మరింత సమాచారం తెలుసుకోండి

Web Title : ipl 2021: chris gayle stuns punjab kings fans with michael jackson's moonwalk
Telugu News from Samayam Telugu, TIL Network

Read Entire Article