Glenn Maxwell వేలంలో చెన్నై, బెంగళూరు మధ్య పోటీని ఊహించాడా..?

2 days ago 4

| Samayam Telugu | Updated: 08 Apr 2021, 02:36:00 PM

ఐపీఎల్ 2020 సీజన్‌లో 13 మ్యాచ్‌లాడిన గ్లెన్ మాక్స్‌వెల్ చేసిన పరుగులు 108 మాత్రమే. పవర్ హిట్టర్‌గా పేరొందిన మాక్స్‌వెల్.. ఈ 13 మ్యాచ్‌ల్లో కలిపి కనీసం ఒక్క సిక్స్ కూడా కొట్టలేకపోయాడు. అయినప్పటికీ.. ఐపీఎల్ 2021 సీజన్ మినీ వేలంలో..?

Glenn Maxwell (Pic Source: Twitter)

ప్రధానాంశాలు:

  • ఐపీఎల్ 2021 సీజన్‌లో ఆర్సీబీకి ఆడబోతున్న గ్లెన్ మాక్స్‌వెల్
  • వేలంలో రూ.14.25 కోట్లకి మాక్స్‌వెల్‌ని ఆర్సీబీ కొనుగోలు
  • ఐపీఎల్ 2020లో నిరాశపరిచిన పవర్ హిట్టర్
  • అయినప్పటికీ.. ఈ ఏడాది అతని కోసం ఫ్రాంఛైజీలు పోటీ
ఐపీఎల్ 2021 సీజన్‌ మినీ వేలంలో రూ.14.25 కోట్లకి అమ్ముడుపోవడం తననేమీ ఆశ్చర్యపరచలేదని ఆస్ట్రేలియా ఆల్‌రౌండర్ గ్లెన్ మాక్స్‌వెల్ వెల్లడించాడు. ఏప్రిల్ 9 నుంచి మే 30 వరకూ ఐపీఎల్ 2021 సీజన్ మ్యాచ్‌లు జరగనుండగా.. టోర్నీ ఫస్ట్ మ్యాచ్‌లోనే ముంబయి ఇండియన్స్‌తో రాయల్ ఛాలెంజర్స్ బెంగళూరు టీమ్ తలపడనుంది. ఈ ఏడాది బెంగళూరు తరఫున గ్లెన్ మాక్స్‌వెల్ మ్యాచ్‌లు ఆడబోతున్నాడు.

వేలానికి రూ.2 కోట్ల కనీస ధరతో వచ్చిన గ్లెన్‌మాక్స్‌వెల్ కోసం బెంగళూరు, చెన్నై సూపర్ కింగ్స్ ఫ్రాంఛైజీలు చివరి వరకూ పోటీపడ్డాయి. అయితే.. ఆఖరికి రూ.14.25 కోట్లకి ఆర్సీబీ అతడ్ని చేజిక్కించుకుంది. ఐపీఎల్ 2020 సీజన్‌లో పంజాబ్ కింగ్స్ తరఫున 13 మ్యాచ్‌లాడిన గ్లెన్ మాక్స్‌వెల్.. 15.42 సగటుతో కేవలం 108 పరుగులు మాత్రమే చేశాడు. అయినప్పటికీ.. అతని కోసం చెన్నై, బెంగళూరు ఫ్రాంఛైజీలు అంతలా పోటీపడటం అందర్నీ ఆశ్చర్యపరిచింది.

ఐపీఎల్ 2021 సీజన్ ముంగిట వేలంలో తన ధరపై గ్లెన్ మాక్స్‌వెల్ మాట్లాడుతూ ‘‘రూ.14.25 కోట్ల ధర నన్ను ఏమీ ఆశ్చర్యపరచలేదు. నా అంచనా ప్రకారం చాలా జట్లు మిడిల్ ఆర్డర్‌లో హిట్టింగ్ చేసే ఆటగాడు కావాలనుకుంటున్నాయి. అలానే ఓ రెండు జట్లకి (చెన్నై, బెంగళూరు) మిడిలార్డర్‌లో బ్యాటింగ్ చేస్తూ.. ఆఫ్ స్పిన్ బౌలింగ్ చేసే ఆల్‌రౌండర్‌ అవసరం ఉంది. ఆ జట్లే వేలంలో నా కోసం గట్టిగా పోటీపడ్డాయి. చివరికి ఆర్సీబీ నన్ను దక్కించుకుంది’’ అని మాక్స్‌వెల్‌ వెల్లడించాడు.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

తాజా వార్తల అప్డేట్ల కోసం Samayam Telugu ఫేస్‌బుక్ పేజీను లైక్ చెయ్యండి.

మరింత సమాచారం తెలుసుకోండి

Web Title : ipl 2021: rcb's glenn maxwell claims he wasn't surprised with massive bids
Telugu News from Samayam Telugu, TIL Network

Read Entire Article