IPL Winners జాబితా ఇదే.. ఈ ఏడాది విజేత ఎవరో..?

2 days ago 3

| Samayam Telugu | Updated: 08 Apr 2021, 08:44:00 AM

ఐపీఎల్‌లో ఇప్పటి వరకూ 13 సీజన్లు ముగియగా.. ముంబయి ఇండియన్స్ అత్యధిక సార్లు టైటిల్ గెలిచిన టీమ్‌గా ఉంది. ఆ తర్వాత స్థానంలో చెన్నై సూపర్ కింగ్స్, కోల్‌కతా నైట్‌రైడర్స్ ఉంది.

IPL Winners List (Pic Credit: IPLT20.com)

ప్రధానాంశాలు:

  • 2008 నుంచి జరుగుతున్న ఐపీఎల్ టోర్నీ
  • ఇప్పటి వరకూ 13 సీజన్లు దిగ్విజయంగా
  • ఫస్ట్ సీజన్‌లో విజేతగా నిలిచిన రాజస్థాన్ రాయల్స్
  • ఐదు సార్లు టైటిల్ గెలిచిన చెన్నై సూపర్ కింగ్స్
క్రికెట్ అభిమానుల్ని ఉర్రూతలూగించేందుకు ఐపీఎల్ మళ్లీ వచ్చేసింది. ఏప్రిల్ 9 నుంచి మే 30 వరకూ ఐపీఎల్ 2021 సీజన్ మ్యాచ్‌లు జరగనుండగా.. ఈ ఏడాది 52 రోజుల పాటు 60 మ్యాచ్‌లు జరగనున్నాయి. 2008 నుంచి ఐపీఎల్ జరుగుతుండగా.. ఇప్పటి వరకూ 13 సీజన్లు ముగిశాయి. ఇందులో ముంబయి ఇండియన్స్ ఐదు సార్లు టైటిల్ విజేతగా నిలవగా.. చెన్నై సూపర్ కింగ్స్ నాలుగు సార్లు, కోల్‌కతా నైట్‌రైడర్స్ రెండు సార్లు, సన్‌రైజర్స్ హైదరాబాద్, దక్కన్ ఛార్జర్స్ (ఇప్పుడు టోర్నీలో లేదు), రాజస్థాన్ ఒక్కోసారి టోర్నీ విజేతగా నిలిచాయి.

1. 2008 ఐపీఎల్ ఫైనల్లో చెన్నై సూపర్ కింగ్స్‌ని ఓడించిన రాజస్థాన్ రాయల్స్ తొలి టైటిల్‌ని ముద్దాడింది.

2. 2009లో రాయల్ ఛాలెంజర్స్ బెంగళూరుని ఫైనల్లో చిత్తు చేసిన దక్కన్ ఛార్జర్స్ టోర్నీ విజేతగా నిలిచింది.

3. 2010లో ముంబయి ఇండియన్స్‌పై ఫైనల్లో గెలిచిన చెన్నై సూపర్ కింగ్స్ మొదటి టైటిల్‌ని గెలిచింది.

4. 2011లో రాయల్ ఛాలెంజర్స్ బెంగళూరుని తుది పోరులో మట్టికరిపించిన చెన్నై సూపర్ కింగ్స్ వరుసగా రెండో ఏడాది టైటిల్‌ని చేజిక్కించుకుంది.

5. 2012 ఫైనల్లో చెన్నై సూపర్ కింగ్స్‌కి షాకిచ్చిన కోల్‌కతా నైట్‌రైడర్స్ టోర్నీ విజేతగా అవతరించింది.

6. 2013లో చెన్నై సూపర్ కింగ్స్‌కి పంచ్ ఇచ్చిన ముంబయి ఇండియన్స్ తొలిసారి టైటిల్‌ని కైవసం చేసుకుంది.

7. 2014లో కింగ్స్ ఎలెవన్ పంజాబ్‌కి చుక్కలు చూపించిన కోల్‌కతా నైట్‌రైడర్స్ రెండోసారి కప్‌ని ముద్దాడింది.

8. 2015లో చెన్నై సూపర్‌ కింగ్స్‌కి మరోసారి షాకిచ్చిన ముంబయి ఇండియన్స్ రెండో సారి టైటిల్‌ని దక్కించుకుంది.

9. 2016లో రాయల్ ఛాలెంజర్స్ బెంగళూరుకి పంచ్ ఇచ్చిన సన్‌రైజర్స్ హైదరాబాద్ టైటిల్‌ని గెలుచుకుంది.

10. 2017లో రైజింగ్ పుణె సూపర్ జెయింట్స్‌తో చివరి వరకూ పోరాడిన ముంబయి ఇండియన్స్ మూడోసారి టోర్నీ విజేతగా నిలిచింది.

11. 2018లో సన్‌రైజర్స్ హైదరాబాద్‌కి ఊహించని షాకిచ్చిన చెన్నై సూపర్ కింగ్స్ మూడోసారి టైటిల్‌ని దక్కించుకుంది.

12. 2019లో చెన్నై సూపర్ కింగ్స్‌కి ఆఖరి బంతికి ట్విస్ట్ ఇచ్చిన ముంబయి ఇండియన్స్ నాలుగోసారి టోర్నీ విజేతగా నిలిచింది.

13. 2020లో తొలిసారి ఫైనల్‌కి చేరిన ఢిల్లీ క్యాపిటల్స్‌ని అలవోకగా ఓడించేసిన ముంబయి ఐదోసారి.. అదీ బ్యాక్ టు బ్యాక్ టైటిల్‌ని గెలిచింది.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

తాజా వార్తల అప్డేట్ల కోసం Samayam Telugu ఫేస్‌బుక్ పేజీను లైక్ చెయ్యండి.

మరింత సమాచారం తెలుసుకోండి

Web Title : ipl trophy winners from 2008 to 2020
Telugu News from Samayam Telugu, TIL Network

Read Entire Article