MS Dhoniకి ఇదే చివరి ఐపీఎల్ సీజన్ రూమర్స్‌పై CSK సీఈవో క్లారిటీ

2 days ago 5

| Samayam Telugu | Updated: 08 Apr 2021, 04:23:00 PM

ఐపీఎల్ ఆరంభ సీజన్ 2008 నుంచి చెన్నై సూపర్ కింగ్స్ టీమ్ కెప్టెన్‌గా మహేంద్రసింగ్ ధోనీ కొనసాగుతున్నాడు. టోర్నీ చరిత్రలో కెప్టెన్‌‌ని మార్చని ఏకైక ఫ్రాంఛైజీ కూడా చెన్నై సూపర్ కింగ్స్ మాత్రమే.

MS Dhoni (Pic Source: Twitter)

ఐపీఎల్‌‌కి మహేంద్రసింగ్ ధోనీ ఇప్పట్లో రిటైర్మెంట్ ప్రకటించబోడని చెన్నై సూపర్ కింగ్స్ సీఈవో కాశీ విశ్వనాథన్ స్పష్టం చేశాడు. గత ఏడాది ఆగస్టు 15న అంతర్జాతీయ క్రికెట్‌కి రిటైర్మెంట్ ప్రకటించిన ధోనీ.. ఆ తర్వాత దేశవాళీలోనూ మ్యాచ్‌లు ఆడటం లేదు. దాంతో.. ఐపీఎల్ 2021 ధోనీకి కెరీర్‌లో చివరి ఐపీఎల్ సీజన్‌ అని ఊహాగానాలు వినిపిస్తున్నాయి. దాంతో.. కాశీ విశ్వనాథన్‌ స్పందించాడు. ‘‘మహేంద్రసింగ్ ధోనీకి ఐపీఎల్ 2021 చివరి సీజన్ కాదు. ఇది నా వ్యక్తిగత అభిప్రాయం’’ అని కాశీ విశ్వనాథన్ వెల్లడించాడు. ఐపీఎల్ 2020 సీజన్‌లో బ్యాట్స్‌మెన్‌‌గానే కాకుండా కెప్టెన్‌గానూ మహేంద్రసింగ్ ధోనీ అంచనాల్ని అందుకోలేకపోయాడు. గత ఏడాది 14 మ్యాచ్‌లాడిన ధోనీ.. 200 పరుగులు మాత్రమే చేయగా.. ఆ ప్రభావం చెన్నై సూపర్ కింగ్స్ టీమ్‌పైనా పడింది. దాంతో.. ఆ జట్టు టోర్నీ చరిత్రలో తొలిసారి ప్లేఆఫ్‌లో ఆడకుండా లీగ్ దశలోనే ఇంటిబాట పట్టింది.

2008 నుంచి ఐపీఎల్ జరుగుతుండగా.. మొదటి సీజన్ నుంచి చెన్నై సూపర్ కింగ్స్ టీమ్‌ కెప్టెన్‌గా మహేంద్రసింగ్ ధోనీ కొనసాగుతున్నాడు. ఇప్పటి వరకూ ఐపీఎల్ హిస్టరీ‌లో కెప్టెన్‌ని మార్చని టీమ్ చెన్నై సూపర్ కింగ్స్ మాత్రమే. ధోనీ ఐపీఎల్‌లో ఆడినన్ని రోజులూ అతను చెన్నై టీమ్‌ కెప్టెన్‌గా ఉంటాడని ఇప్పటికే చెన్నై సూపర్ కింగ్స్ యజమాని ఎన్.శ్రీనివాసన్‌ కూడా ప్రకటించిన విషయం తెలిసిందే. అయితే.. 39 ఏళ్ల ధోనీ ఎంతకాలం ఐపీఎల్‌లో ఆడతాడనేది ఇప్పుడు మిలియన్ డాలర్ల ప్రశ్న.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

తాజా వార్తల అప్డేట్ల కోసం Samayam Telugu ఫేస్‌బుక్ పేజీను లైక్ చెయ్యండి.

మరింత సమాచారం తెలుసుకోండి

Web Title : chennai super kings ceo addresses ms dhoni's future with franchise
Telugu News from Samayam Telugu, TIL Network

Read Entire Article