Vakeel Saab: ఏప్రిల్ నెలపై పవన్ ఫ్యాన్స్‌లో టెన్షన్.. గతంలో ఇదీ పరిస్థితి! రీ- ఎంట్రీ కలిసొచ్చేనా..?

2 days ago 4

| Samayam Telugu | Updated: 08 Apr 2021, 02:20:00 PM

దాదాపు మూడేళ్లు సినిమాలకు దూరమైన పవర్‌స్టార్ పవన్‌కళ్యాణ్ మళ్లీ ‘వకీల్‌సాబ్’ సినిమాతో రీఎంట్రీ ఇస్తున్నారు. ఈ సినిమా శుక్రవారం (ఏప్రిల్ 9న) విడుదల అవుతోంది. గతంలో ఏప్రిల్ నెలలో విడుదలైన పవన్ సినిమాలు కొన్ని సూపర్ హిట్ అయితే.. మరికొన్ని అట్టర్ ఫ్లాప్ అయ్యాయి. మరి ‘వకీల్‌సాబ్’కు ఏప్రిల్ నెల కలిస్తొస్తుందా.. లేదా?

వకీల్‌సాబ్ చిత్రంలో పవన్‌కళ్యాణ్

పవర్‌స్టార్ పవన్ కళ్యాణ్‌కు తెలుగు రాష్ట్రాల్లో ఏ రేంజ్‌లో క్రేజ్ ఉందో అందరికీ తెలిసిందే. హిట్, ఫ్లాప్‌లతో సంబంధం లేకుండా పవన్ సినిమా విడుదల అవుతుందంటే చాలు.. అభిమానులు చేసే సందడి పీక్స్‌లో ఉంటుంది. అయితే రాజకీయలపై పూర్తిస్థాయిలో దృష్టి కేంద్రీకరించాలనే ఉద్దేశ్యంతో పవన్ ‌కళ్యాణ్ ‘అజ్ఞాతవాసి’ తర్వాత సినిమాలకు దూరమయ్యారు. దాదాపు మూడు సంవత్సరాల తర్వాత హిందీలో భారీ హిట్ సాధించిన ‘పింక్’ సినిమా రీమేక్‌గా తెరకెక్కిన ‘వకీల్‌సాబ్’ అనే సినిమాతో పవన్ టాలీవుడ్‌లోకి రీఎంట్రీ ఇస్తున్నారు. ఈ సినిమా శుక్రవారం(ఏప్రిల్ 9న) విడుదల అవుతుంది. ఇప్పటికే విడుదలైన ఈ సినిమా టీజర్, ట్రైలర్, పాటలు సినిమాపై భారీగా అంచనాలను పెంచేశాయి. తెలుగు రాష్ట్రాలతో పాటు విదేశాల్లోనూ ఈ సినిమాకు మంచి ఓపెనింగ్స్ వచ్చే అవకాశం ఉంది. అయితే గతంలో పవన్ నటించిన పలు సినిమాలు ఏప్రిల్ నెలలో విడుదల అయ్యాయి. అందులో కొన్ని సూపర్ హిట్‌లు అవ్వగా.. కొన్ని డిజాస్టర్‌లు అయ్యాయి. ఆ సినిమాలు ఏంటో ఒకసారి పరిశీలిద్దాం.

Badri

బద్రి

బద్రి: డైనిమిక్ దర్శకుడు పూరి జగన్నాథ్‌ను తెలుగు తెరకు పరిచయం చేసిన చిత్రం ‘బద్రి’. ఈ సినిమాలో పవన్ బద్రినాథ్ అనే పవర్‌ఫుల్ పాత్రలో కనిపించారు. ఏప్రిల్ 20, 2000న విడుదలైన ఈ సినిమా సూపర్ హిట్ అయింది. ఈ సినిమాలో విలన్‌గా నటించిన ప్రకాశ్ రాజ్ క్యారెక్టర్ పేరు నంద.. మరోసారి వకీల్‌సాబ్‌లో ప్రకాశ్ రాజ్ పాత్ర పేరు అదే కావడం విశేషం.

Kushi

ఖుషి

ఖుషీ:పవన్ కళ్యాణ్ కెరీర్‌లో ఖుషీ సినిమాని ఓ మైలురాయి అని చెప్పుకోవచ్చు. ఎస్.జే.సూర్య దర్శకత్వంలో తెరకెక్కిన ఈ సినిమా ఏప్రిల్ 21, 2001న విడుదలై పవన్ కెరీర్‌లో తొలి బిగ్గెస్ట్ బ్లాక్‌బస్టర్‌గా నిలిచింది.

Johnny

జాని

జాని: అప్పటి వరకూ హీరోగా కెరీర్ అద్భుతంగా సాగుతుండగా.. పవన్ తన దృష్టిని డైరెక్షన్ వైపు మలిపి తెరకెక్కించిన చిత్రం ‘జాని’. గీతా ఆర్ట్స్ బ్యానర్‌పై అల్లు అరవింద్ నిర్మించిన ఈ చిత్రం ఏప్రిల్ 23, 2003న విడుదలై.. అట్టర్ ఫ్లాప్ అయింది. ఈ సినిమా తర్వాత పవన్‌కు వరుసగా ఫ్లాప్‌లు మొదలయ్యాయి.

Jalsa

జల్సా

జల్సా: వరుస ఫ్లాపులతో సతమతమవుతున్న పవన్‌కళ్యాణ్‌కు కాస్త ఉపశమనం కల్పించిన చిత్రం ‘జల్సా’. పవన్ - త్రివిక్రమ్ శ్రీనివాస్ కాంబినేషన్‌లో తెరకెక్కిన తొలి సినిమా ఇది. ఏప్రిల్ 2, 2008న విడుదలైన ఈ సినిమా బాక్సాఫీస్ వద్ద భారీ విజయం సాధించింది.

Teenmaar

తీన్ మార్

తీన్ మార్: బాలీవుడ్‌లో సూపర్ హిట్ సాధించిన ‘లవ్ ఆజ్ కల్’ సినిమా రీమేక్‌గా పవన్, జయంత్ సీ పరాన్జీ కాంబినేషన్‌లో తెరకెక్కిన సినిమా ‘తీన్ మార్’. బండ్ల గేణేశ్ నిర్మాణంలో తెరకెక్కిన ఈ సినిమా ఏప్రిల్ 14, 2011న విడుదలై.. అట్టర్ ఫ్లాప్ అయింది.

Sardaar Gabbar Singh

సర్దార్ గబ్బర్‌సింగ్

సర్దార్ గబ్బర్‌సింగ్: పదేళ్లపాటు ఫ్లాపుల్లో ఉన్న పవర్‌స్టార్ పవన్‌కళ్యాణ్‌కు సూపర్‌హిట్‌ను అందించి మళ్లీ ఫామ్‌లోకి తెచ్చిన సినిమా గబ్బర్ సింగ్. ఆ సినిమా సీక్వెల్‌గా కే.ఎస్.రవీంద్ర(బాబీ) దర్శకత్వంలో తెరకెక్కిన సినిమా ‘సర్దార్ గబ్బర్‌సింగ్’. ఈ సినిమాకి పవన్ కథ కూడా అందించాడు. దీంతో భారీ అంచనాల నడుమ ఏప్రిల్ 8, 2016న విడుదలైన ఈ సినిమా డిజాస్టర్ అయింది.

ఇవీ ఇప్పటివరకూ ఏప్రిల్ నెలలో విడుదలైన పవన్ సినిమాల ఫలితాలు. ఈ లిస్టును పరిశీలిస్తే.. ఏప్రిల్‌లో పవన్‌కు హిట్లు, ఫ్లాపులు 50-50 శాతంతో సమానంగా ఉన్నాయి. దీంతో ఏప్రిల్ నెలలో పవన్ ట్రాక్ రికార్డు చూసిన అభిమానుల్లో టెన్షన్ నెలకొంది. తమ హీరోకి ‘వకీల్‌సాబ్’ సినిమాతో రీ ఎంట్రీ కలిసొస్తుందా.. లేదా.. అని వాళ్లు కంగారు పడుతున్నారు. ఈ కంగారుకు చెక్ పడాలంటే.. శుక్రవారం వరకూ వేచి ఉండాల్సిందే

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

తాజా వార్తల అప్డేట్ల కోసం Samayam Telugu ఫేస్‌బుక్ పేజీను లైక్ చెయ్యండి.

మరింత సమాచారం తెలుసుకోండి

Web Title : full list of pawan kalyan movies released in month april
Telugu News from Samayam Telugu, TIL Network

Read Entire Article